Namba 26:53 - Nobonob Baibel

⁵³ “Dimppa, Israel danab ag kekeɗ, wan ag gotteb eleppan eɗattona, danab nug wan otia madakku ele, nug huu anen anennu ebqak gane doya dabmaama, ahilagnu wan, ag aulag daakkunu, elele paniadkkuoitte.

Namba 26:53 ပူးပေါင်းရင်းမြစ်များ

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

1 Stori 16:18

Nug Jakop amegppa aum. “Da Kanan wan na medakkul. Ao, da na medappi, wan amuam na aut aakku daakku,” awa aum.

Sam 105:44

Nug nuhikkud danab ah, wanppan wan laala danab Nug ii dim lamidppig ele, Nug amu dilag wan amu mattom. Ao, Nug wan amu matte, ag laa ee eppaladppig amu, ag meu amu tuqappig.

Sam 49:14

Danab ah amu amu, ahilag gumak danab Mauhak, nug omalattebeb, ag sipsip mauhtteb bia mauhna, moɗppa gokkulag. Butti aɗi, Kayak Nug genab tutukku hak danab ah ehanattak haenppa amu, haen amuppa genab tutukku hak danab ah ag gumadkkulag. Danab ah amu ag mauhppeg, beɗulag moɗppa beɗakku. Ag laulkad ena ena amuppa ii daamna. Moɗ ahilkad amu, ag laulkad guguittak ii daamna.

Esekiel 47:22

Wan amuam ahilag, ag aulag daakkunu anam paniglag. Wan amuam Israel dilag, ag aulag anam daakku, amu wan laihnu danab, ag uɗin, ag oolagppa daanna, nid menuadppig ele amu, ag aulag ele daakku. Ag Israel ag danab ah amu dilagnu, ‘Ag ig ele am laippu,’ dooglag. Ag Israel ag wan laa ahilag, ag aulag daakkunu panin aoglag, danab ah amu ele, ag wan laa, ag aulag daakkunu, ag Israel oolagppa panippeg aweg!

Daniel 7:27

Anam beeb, Kayak Nug king daakkunu ehah, ɠagattag, aria onig, ɠagattag ele wan atu oh hab waappa wanppa daatteb, wan atu amu ohppanu aɗitta awa, nuhikkud danab ah oppiaawak ele madakku. Danab amu ag am Kayak Attannab Laa Oh Eɗattaknu danab. Kayak Nug, nuhig wan atu oh gumattak am iitta ii mema. Hanhan daakku. Wan atu ohnu danab okkai, ag Nug noobppa dup nona binag mena, oɗe dim lamidkkulag,” awa aum.

Namba 26:52

Amu Yawe Nug Moses amegppa aum.

Namba 26:54

Nug huu okkai anen anen dilag amu, nug wan okkai, ag otia madakkuoitte, amge nug huu naunau anen anen dilagnu amu, nug wan nakok otia madakkuoitte. Nug huu, ahilag melemel anen anenppa elele elele otia madakku. Wan ag otieb aoglag amu, amuam ag aulag daakku.

Namba 33:54

Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Matyu 5:5

Danab aun aɗi ag akka, ag onig qe nak kobol hetteb ele amu, ag itittak ena aoppig daatteb. Aɗinu? Ag wan imu oh aoglag.

Josua 1:6

Na ɠagattag daan, ootppa ele ɠagattag doye! Aɗinu? Na danab ah imu noolag aon gona, wan umu, da wan amu imun danab ah mamelkad aɗi madakkulnu ag amelagppa dahil nai ɠagattag qein ami amu, da ehanadppi, ag wan amu, ag aulag daakkunu aoglag.

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

Josua 14:1

Nan bekka Josua, mana mettak danab Eleasar, amu Israel dilag huu okkai anen anen dilag aab igippan ikkilkad danab ag wan laala Kanan appa daappig amu panin, Israel danab ah madappig am iikku. Wan amuam ag aulag daakkunu dayom.

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.