Namba 26:30 - Nobonob Baibel

^30-32 Imuam Gileat buɗubppan aab ikki onilkad. Aab ikki laa onig am Ieser. Ag anukkan memettalag am Ieser. Aab ikki laa onig am Helek. Ag anukkan memettalag am Helek. Aab ikki laa onig am Asriel. Ag anukkan memettalag am Asriel. Aab ikki laa onig am Sekem. Ag anukkan memettalag am Sekem. Aab ikki laa onig am Semida. Ag anukkan memettalag am Semida. Aab ikki laa onig am Heper. Ag anukkan memettalag am Heper.

Namba 26:30 ပူးပေါင်းရင်းမြစ်များ

Josua 17:2

Josua nuhig ehanittak ele ag Jodan le laih qaban uɗitteppanu Manase buɗub laa, nug buɗub amunu baelkadppa wan madappig. Baelkadppa amunu ikki danab am, Abieser, Helek, Asriel, Sekem, Heper, Semida ele. Danab amu ag am Manase, Josep bekka, nug buɗub, amu ag am nug baelkadppan ikki danab.

Ikki Danab 6:11

Yawe Nug propet oɗeppa Israel danab ah anam amelagppa ana male, Kayaknu engel nug na, Opra aabppa ad ok waappa heɗep na dayom. Ad amuam Joasnu. Joas nug am Abieser buɗubppan danab laa. Midian danab ag nug anidmananu, Joas bekka Gideon nug grep meu tappa leppu awaknu abenppa wit mumuɗaɗa dayom.

Ikki Danab 6:24

Aakku Gideon nug Yawenu qaɗab laa appa buua, onig Yawe Nug Maɗoɗ Diig Daatte, aum. Qaɗab amu Opra appa, Abieser buɗub dilag wanppa heum, amu qaɗab amu gemu ⌊nai imu yaak haenppa⌋ ele, appa ana daatte.

Ikki Danab 6:34

Ag amu heeg amu, Yawenu Ouɗi Nug Gideon, nuhigppa uɗie, nug Abieser buɗub ag nug gumidna gona dim lamidna, banelag gona, ban hekkulagnu trampet ag onilagppa ekkunu iwalom.

Ikki Danab 8:2

Ag anam appig, amge Gideon nug nob ma aum. “Dahil hak, am ag Epraim, ahilag hak bia iitta. Ahilag hak am ɠagattag, dahil am anambia iitta. Aɗi keeke ag heppig am, hak amuam ig Abieser buɗub, ig hak aɗi hemut eɗitta malom.