Namba 25:6 - Nobonob Baibel

⁶ Nug anam aawo amu, Israel danab laa nug Midian ah laa omala, nug baekkudppa daappigppa uɗiom. Moses nug danab ah oh ele ag mettid haknu peh lag danab ah appa qagmetteb ele, ag appa gaanna daaegeg, danab nug ah amu omala waum. Nug omala, ag oh noolagppa waum.

Namba 25:6 ပူးပေါင်းရင်းမြစ်များ

Genesis 37:28

Ag nai anam qakkaeg, Ismael buɗub ag keeke laihnu awa dadennu mak danab amu, ag uɗieg, Josep awakkud ag Josep humaeg be, Ismael buɗub mattaeg, ag 200 gram silwa madappig. Anam daden mewona, ag aon Isip goppig.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.

Sam 94:16

Aun nug da ehaniɗe, da nau hak danab ele ban hettem? Ao, aun da ele nau hak danab hatteb nauhaknu ehanittak dahil daatte?

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 36:23

King nug aab anam uɗikka dayeye, Jehudi nug buk itoɗiak ele ebqaaqa, nug maha ewam o waɗele ebqa male, king nug buk amu awa, qep nagppa maha ebqa malom ele okkula awa, aabppa buɗie te ewewe, Jehudi baula maha ewam o waɗele ebqe, nug baula anam heum. Anam heeh ukke, king buk oh aabppa mane ewom.

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Namba 16:47

Moses anam haknu aum amunu, Aron nug Moses aum bia heum. Nug bras tappiɗ nuhig awa, pahanab danab ah daappig oolagppa ukkom. Oɗe nau danab kuɗum aqe mauhtteb ele amu, matu danab ah dilagppa digmeum, amge Aron nug danab ah bau daappig, amu mauhppig ele, amu oolagppa hibaitta dayaya, nug kalu danab ile muttuɗig enanag bette ele amu mana, amuppa nug danab ah dilag eheɗ haknu noob nau iitta meeb elele medakkunu heum, amu oɗe nau danab kuɗum aqe mauhtteb ele, amu ele aakku iitta meum.

Namba 22:4

Amu Moap ag huananab baɗana, ag Midian dilag ikki danab amelagppa appig. “Makau okkai ebehi ele laa gikkiɗah latte bia, geha danab ah imu ag keeke talilikkak daatteb imu oh aon malaglag,” aon appig. Amunu Balak, Sipor bekka, nug haen amuppa Moap dilag king dayom, nug nai awa ukkak danab maatte, ag gona Beor bekka Balam gumidna goppig. Balam nug appag diig Peto, le naɗi guguittak appa dayom; amu nai awa ukkaknu danab amu ag nug uɗia, Moap ehanadkkunu appeg dookkunu goppig. Balak nug nai imu nai awa ukkak danab ag Balam appeg dookkunu amelagppa aum. “Danab ah ag Isip uun, ahan uɗin, wan oh tonan malan, ag da gukkuiɗak haen tutu dayaknu aab kalan daatteb.

Namba 31:2

“Midian danab ah ag Israel eheɗ hadappig amunu, na ag bu matte! Amu dimppa na mauhkkut,” awa aum.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Ikki Danab 2:4

Yawenu engel nug nai amu Israel danab ah oh amelagppa mattia male amu, Israel danab ah ag huana gaappig.