Namba 25:4 - Nobonob Baibel

⁴ Israel ag anam heegeg, Yawe Nug ahilagnu oo huanak nauhe, Nug Moses amegppa aum. “Danab aun aɗi ag Peornu hambuppuak kayak Bal noobppa dup nona binag meppig ele amu, na amu dilag ikki danab oh diin aqappe mauheg! Aqan, danab ah oh anadkkulagnu gaɗalkad amu miagib amahlakppa, da Yawe, da noolppa aihatteg! Na anam heppe amu, da, Yawe, dahil oo nauhak huanaknab ele am iitta meeb, amu geha da Israel oh ii hadappi nauhmana,” awa aum.

Namba 25:4 ပူးပေါင်းရင်းမြစ်များ

2 Samuel 21:6

amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.

2 Samuel 21:9

Dawit nug danab eblaih aɗit amu Gibeon danab eppelagppa me, ag qauko nakok igippa aqaeg mauheg, gaɗalag aguppa boumak iitta, anam Yawe noobppa dayom. Eblaih aɗit amu oh am haen laippu aakku mauhppig. Ee aeg digma awak haenppa, Israel danab ag bali aeg digmen aoegeg, Gibeon danab ag danab eblaih aɗit amu oh haen laippu aqaeg mauhppig.

Sam 106:29

Ag hak nau heeg, Yawe Nug ahilagnu oppoɗi be, oɗe nau danab kuɗum aqe mauhtteb ele, ahilagppa naɗi meum.

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Namba 25:11

“Mana mettak danab Aron bekka Eleasar, nug bekka Pinias amu, nug Israel danab, Midian ah ele aa kobol nau heeheh aqate mauhpiɗ amunu, da dahil oo nauhak bodoettom. Da danab ah ag da diil am nau doomnanu yag-nab-bak doyen hettem, amubia nug ele anam doya heum amunu, da dahil oo nauhak tuɗitten, ag oh ii hatti nauhppig.

Duteronomi 13:11

Ag anam heppeg, Israel oh ag anam heppig doona, ag baɗan, auntai laa ag oolagppa kobol nau amu baula ii hema.

Duteronomi 13:15

amu ag ahilkad qep elabppa, aab amu aqaknu ban heppeg, aab amuppan danab, ah, nid, doɗ ele oh ag Yawenuib nuhig pelemppa dayeg!

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Duteronomi 21:22

Am laa nug eheɗ hak naunab laa, mauhak ibppa hekku dayeb amu, ag nug qeppeg mauheb, nug gaɗa ad attan aihppeg,

Duteronomi 21:23

nug gaɗa amu ad attan aihak dayeb ukkeb, ii wakkaɗkkuoitte. Ag nug gaɗa aihppig, deɗ amuppaib boumkkulagoitte. Ag amu haknu diig am, danab beɗu adppa aihak daatte amu, nug Kayaknu itittak nau waappa daatte. Amu ag wan, Yawe, ahilag Kayak, Nug ag aulag daakkunu madatte amu, ag kobol Kayak amunu ooppa uuaknab dootte ele, ag amu heppeg, wan amuppa dubuttid aib teum.

Duteronomi 4:3

Ag Yawe Nug Balpeornu ahilagppa aɗi heum amu, ag anidppig. Yawe, ahilag Kayak, Nug laa ag kayak hambuppuak Bal, Peor appanu, ag appa nug noobppa dup nona binag meppig ele amu, Nug ag oh hatte nauhppig.

Josua 22:17

Ig hipunin, Peor appa hemut amu, ig amuppa bu awak elele iite aomut? Ig hipunin amu heut, Yawe Nug he, oɗe nau danab kuɗum aqe mauhtteb ele amu ig, Yawenu danab ah, ihinigppa beum, amge ig oonigppa laala ag hipunin amuppa eɗun nena qekkulagnu daatteb.

Josua 23:2

Nug kainonab ma, nug Israel dilag ikki danab, danab okkai, epeɗiak danab, amu Israel dilag ehanittak anuqak danab ele onilagppa e ukkaeg, qagmaatta, nug ag amelagppa aum. “Da gemu kainonab mein, ⌊haen elab iitta da ag uuadkkul amunu, da nai imu madikkulnu hettem⌋.