Namba 25:13 - Nobonob Baibel

¹³ amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Namba 25:13 ပူးပေါင်းရင်းမြစ်များ

2 Samuel 21:3

Dawit nug ag onilagppa e uɗieg, nug ag oɗ mattom. “Da ahilagnu aɗi hekkul? Ag ig Israel, ag ig ena itigkkulagnu amu, da aɗi kobol heppi, ag amuppa, ‘Nug kobol heum, kobol amu nug he, ihinig uug babaittak daatte,’ akkulag?” awa aum.

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

1 King 19:14

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele aqaeg mauhppig; da dakka iikku daattem, amu gemu ag da ele iuppeg mauhkkulnu hetteb,” awa aum.

1 King 2:27

Solomon anam aum amunu, nai amuppa amu Solomon nug Abiatar Yawenu mana mettak uɗatppanu lamittom. Solomon nug Abiatar lamittom, amuam Yawe Nug anukka Silo aabppa mana mettak danab Eli, nug baekkudppa ele, amu oh dilagppa uug bekkunu aum amu, nai amu aakku elele mettom.

Nehemaia 13:29

O dahil Kayak, danab ag amu heppig ele, amuppa ag mana mettak danab ag attem attem daaglagnu ii dabmena heeg, dayak amu nahip neekkakppa dubuttid teum daatte. Na he, mana mettak danab, aria Lewi buɗubppan mana mettak danab iitta, na ag ele, ag nug tituanna nai qagappig, amge ag nug tituanak amu oppatppig; amu na ahilag hak amunu daut atikkunu ool ii daatte.

Sam 106:31

Pinias nug anam he, Yawe Nug nuhig neekkakppa Pinias nug am genab tutukku hak danab anttom; amu anttak amuam hanhan anamib daakku.

Sam 119:139

Dahil kekeɗ ag oolag eɗueb, na dim lamidkkulagnu uɗat hekkulnu yag-nab-bak doye, hei ukke, da ebehil bodoettom. Aɗinu? Dahilad kekeɗ ag nahip nai dimettan, ii dim lamidtteb.

Sam 69:9

Ag dahilnu anam doottebnu diig am inam. Na lautppa, na ig attemnab daagnignu ippunigttem amu, da amunu yag-nab-bak doye hettem. Amu laa ele amu, danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.

Eksodas 29:9

ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.

Eksodas 32:30

Amu oh ba ukke, wagɗe deɗ amuppa Moses nug danab ah amelagppa aum. “Hipunin ag heppig am naunab, amge da geha qauko attan eɗue tein, da Yawe gumitte ukken, ag ahilag eheɗ haknu nob nau doɗ tiigppa iitta meeb elele medakkunu, da Nug oɗ medappi, Nug, ‘Yo,’ akkutai,” awa aum.

Eksodas 40:15

amu na ag mamelagppa heme bia, na ag dahil mana mettak uɗat hekkulagnu, na goɗen gokkaɗakppa tituanadkkut. Goɗenppa tituanak amuam, buɗub buɗub doobob, ag buɗulkad dimppa bekkulag amu, ag hanhan dahil mana mettak danab daaglagnu goɗen gokkaɗakppa tituana awak daakku,” awa aum.

Aisaia 61:6

Ag geha anam henana, ag ag, dahilad danab ah, ag ahilagnu akkulag. ‘Imu, ag am Yawenu ɗo maɗoɗnu maɗi nid daatteb,’ akkulag. Ao, ag geha ag dahilad danab ah ag ahilagnu, ‘Ag am ahilag Kayak, nuhig maɗi nid,’ akkulag. ⌊Danab ah laihnu ag geha ag Israel, ahilagnu anam doona,⌋ ag keeke ena ena ahilkad amu akkan uɗina, ag madappeg, ag amu diina, ag geha ena daaglag. Ao, wanppan wan laala, appan danab ag geha ahilag en okkai ag madappeg, ag gamag ahak okkai dooglag.

Jeremaia 33:18

Anam daakku amu, anamib mana mettak danab, ag ele Lewi buɗub amu, ag da noolppa hanhan daan, manaknu ofa, ee aegnu ofa, amu doɗ laala manan meɗaglagnu ele hekkulagnu aakku daaglag. Lewi buɗub ag daanna, uɗat amu hekkulagnu ii iitta memana,’ ” awa atte.

Jeremaia 33:22

Da heppi, dahil maɗi nid Dawit buɗub, amu Lewi buɗub, ag dahil ɗo maɗoɗnu uɗat da noolppa hetteb ele amu, ag appatna daaglag. Ahilag ebqak am hoɗoppai habppa daatteb, o yu ihippa abuɗ niitte bia, ag amubia daaglag.’ ” Yawe Nug Jeremaia nai amu mettom.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Malakai 2:8

Anam, amge ag gemu mana mettak danab daatteb, ag anambia ii hetteb! Ag dahil ib uun malappig. Ag danab ah ippu ii ippuanatteg, ag oolagppa kuɗum ag hipunin hetteb. Ag nug tituana nai qakkak nai, da hei, da Lewi ele hemuɗ amu, ag nai qakkak amu uun, ii dim lamidtteb.” Yawe Nukka Ɠagattag Oh Ele, Nug anam awa atte.

Namba 16:46

Anam heya amu, Moses, Aron amegppa aum. “Na bras tappiɗ nahip aon, kalu danab ile muttuɗig enanag bette ele amu ooppa inan, qaɗabnu aab ele aon, pahanab Israel danab ah daattebppa gona, eheɗ haknu noob nau amuppa iitta mekkunu na amu he! Aɗinu? Yawe Nug ahilagnu oppoɗi huana be, Nug he, oɗe nau danab kuɗum aqe mauhtteb ele aakku digma, aqe mauhtteb. Laa mauhmananu amu, na amu he!” awa aum.

Namba 16:47

Moses anam haknu aum amunu, Aron nug Moses aum bia heum. Nug bras tappiɗ nuhig awa, pahanab danab ah daappig oolagppa ukkom. Oɗe nau danab kuɗum aqe mauhtteb ele amu, matu danab ah dilagppa digmeum, amge Aron nug danab ah bau daappig, amu mauhppig ele, amu oolagppa hibaitta dayaya, nug kalu danab ile muttuɗig enanag bette ele amu mana, amuppa nug danab ah dilag eheɗ haknu noob nau iitta meeb elele medakkunu heum, amu oɗe nau danab kuɗum aqe mauhtteb ele, amu ele aakku iitta meum.

Namba 17:12

Israel danab ah ag ⌊Aronnu hokkat haɗag qa, mappata meu oum anidna, ag hipunin heppig dooppig amunu, ag baɗan,⌋ Moses amegppa appig. “Antteg! Ig geha mauhkkunig! Ig geha padal mekkunig! Genab, ig ohnab geha padal mekkunig!

Namba 25:14

Israel danab, Pinias nug Midian ah ele aqatom amu, danab amu nug onig Simri. Nug Salu bekka. Simri nug am Israel dilag huu okkai Simeonnu, amu nug baegppan ikki danab dayom.

Jon 2:17

Jesus anam a, nuhikkud ippunittak awak danab ag Kayak naippa nai daatte, nai amu ag daulagppa doum. Nai amuam inam. “Na lautppa, na ig attemnab daagnignu ippunigttem amu, da amunu yag-nab-bak doye hettem.”

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 7:11

Aria, Israel ag Lewi buɗub laa ag mana mettak danab, ag ahilag uɗatppa ɗo aoppig, amge mana mettak danab amu ag maɗi ahilag amu heeb, danab ag elelenab bena daalob amu, aɗinu mana mettak danab laa, Aron bia iitta, Nug am Melkisedek bia, bekkunu dayom?

Josua 7:12

Ag anam heppig amunu, Israel ag kekeɗ ahilkad, ag amu dilagnu oolna gotteb. Amunu ahilkad kekeɗ ag eɗadtteb. Aɗinu? Keeke dahilnuib dahil pelemppa daatte ag oolagppa daatte amunu, gemu Israel, ag ele ag dahilnuib dahil pelemppa daatteb. Anam amu, ag keeke nauhkkunu dahilnuib dahil pelemppa daatte, keeke amu ag oolagppa daatte amu, ag heppeg ii nauhkku dayeb, da tuɗitten ag ele ii daamta.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

Revelesen 1:6

Nug ig Nug Mameg, nuhig Kayak ele, ig nuhig ɗo maɗoɗppan mana mettak danab meikkom amu, binag amahlak oppiaawak ele, ɠagattag oh ele nuhigppa hanhan alet ele dayaɗ! Genab.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.