Namba 25:1 - Nobonob Baibel

¹ Amu Israel ag Sitim appa daanna, Israel danab ag digmena, Moap ah ele niippig.

Namba 25:1 ပူးပေါင်းရင်းမြစ်များ

2 King 23:7

Josaia nug amu ha, nug ele danab ag danab danab ele gappai kobol hetteb laulkad, lag amu am mettid lag, nuhig tomppan keeke oh ele, am appa daappig amu, nug amu oh loppaɗattom. Amu ah ag kayak hambuppuak Aserahnu lamen hetteb ele amu, ag ele lag amuppa daappig.

Sam 106:28

Aakku ig alankad ag Peor appa Bal toppa dup nona binag meppig. Ao, ag doɗ manan kayak hambuppuak, kayak amu ag bau iitta, ag teppu amu ag madappig amu, ig alankad ag teppu amu lappig.

Eksodas 22:19

Danab o ah aun nug doɗ ele beɗuppa wanak hettep amu, ag nug qeppeg mauhaɗ!

Eksodas 34:15

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Danab ah amu ag kayak hambuppuak noolagppa dup nona binalag metteb amunu, ag danab amu ele nug tituankkulag dayeb, haen danab amu ag ahilkad kayak hambuppuak noolagppa dup nona binalag menana, ag doɗ ele main ag mattaglag, kobol amuam dahil neekkakppa gappai aɗa oiyak kobol bia daatte amu, ag amu henana, haen amuppa ag Israel, ag ag ele oh laippu qagmena, geha ag doɗ main, kayak hambuppuak mettaglag, amu ag oh teppu amu lakkulagnu appeg, ag gona, ag ele teppu amu lakkulag. ⌊Amu amuppa ag kayak hambuppuak noolagppa dup nona binalag mekkulag amunu, ag aibnab ag ele nug tituanak heppig.⌋

Eklisiastis 7:26

Da amu heinne, da imu anidmi. Ah laa nug uhui bia daatte amu, ooppa nug doɗ dilag pelem bia daatte. Ao, nug eppeg am danab qagakkunu sen bia daattep. Da nug danab ninig nau medatte anidmi; mauhak am ninig ele, amge ah amunu ninig mettak am mauhaknu ninig eɗidtte. Danab nug Kayak dim lamidtte amu, nug ah amu eppegppa ii daama; amge laa hipunin dim lamitta hette amu, nug ah amu eppegppa daakku.

Jeremaia 40:11

Aria, haen Juda laa ag ⌊ban neene, ag ahan ban haenppa oola ukkak danab ah wan laalappa daaglagnu goppig,⌋ amuam ag Moap, Amon, Edom, amu wan laala ohppa goppig amu, ag appa daanna, ag Babilon dilag king nug Juda danab ah ohnab ii diia ukkom, laa oɗo yaak uuatte daappig doon, ag nug Ahikam bekka Gedalaia, nug Sapan alag amu, nug ahilag okkai daakkunu otiom ele doon,

Esekiel 20:21

Da danab amu ag bekkalkad aɗelkad ele amelagppa amunu ami, amge ag ele dahil nai tappaeg neum. Danab nug dahil ɗo dim lamidtte amu, nug bau daakku, nug padal ii mema, amge ag dahil ɗo iɗu iɗu pehettak ii dabmettan, ii dim lamidppig. Ag ɗo da ag Sabat deɗppa dim lamidkkulagnu ami amu, ag amunu hamu bia doon, ii dim lamidppig. Ag amu heppig amunu, da oppoɗil be, bu madakkulnu ami. Ao, da ool nauhehe, da ahilag hak naunu atu taɗakppa nob madakkulnu ami.

Hosea 9:10

Yawe atte. “O Israel, digmakppa haen da ag anadmi, da ag atu taɗakppa grep meu anttak bia, enanag anadmi! Ao, haen da ag mamelkad aɗi anadmi, ag ad fig meu tatam oɗutte, amubia da enanag anadmi! Amge haen ag Peor appa teppig amu, ag keeke danab ag eppelagppa hoyadppig ele, keeke uɗa nak ele, am kayak hambuppuak Bal aakku, ag akka ag da gumiɗna daamnanu awaidna, keeke amunu daaglagnu, ag akka ag nuhig tituanak daaglagnu anana, ag nug noobppa dup nona binag meppig. Ag amu hena, keeke uɗig wak ele eppegppa hoiyak, ag amunu oolag mauhe, ag keeke amubia beppig.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Namba 25:17

“Ag Israel, ag Midian danab dilagnu, ‘Ag am ihinig kekeɗ,’ doon aqeg! Aɗinu? Midian ag, ag Israel danab ah, ahilagnu kekeɗ doon, eheɗ hadappig. Ag ag Israel kuɗum buppualattegeg, ag Peornu hambuppuak kayak Bal noobppa dup nona binag meppig. Ele amu Kosbi, nug ag tiilag laa, nug am Midian danab okkai laa aɗeg, nug aɗi kobol heum, amuppa ag Israel, ag ahilagnu ‘Kekeɗ ihinig’ doon, aqeg! Nuhignu amu, haen Israel ag Peornu hambuppuak kayak Bal noobppa dup nona binag meppig, dimppa oɗe nau danab kuɗum aqe mauhtteb ele amu, oɗe amu beum, amu Pinias nug haen amuppa ah amu qe mauhom,” awa aum.

Namba 31:2

“Midian danab ah ag Israel eheɗ hadappig amunu, na ag bu matte! Amu dimppa na mauhkkut,” awa aum.

Namba 33:49

Ag Moap uɗemppa Jodan le guguittak haen tutu dayaknu aab kalan daappig amu, ag amuppa aab elab kalappig. Ag digmak Bet Jesimot appanu daaeg ukka, Abel Sitim waum.

1 Korint 10:8

Gappai kobol ele, Israel oolagppa laala heppig bia amu ig aib hemut. Ag kobol amu heppig amunu, deɗ laippuppa 23,000 ag mauhppig.

Duteronomi 3:29

⌊Yawe Nug da Jodan le ii mataɗaknu aum⌋ amunu, ig wan oolnu noak Betpeor guguittak appa daamut.

Duteronomi 32:38

Ag doɗ maha enanag main, kayak amu madappig. Ao, ag wain ele ahilagnu gokkaɗppig amu, kayak amu ag adeppa daatteb? Ag ahan ehanatteg! Ge, ag ahan, ahilag guppiɗ dayeg!

Duteronomi 4:3

Ag Yawe Nug Balpeornu ahilagppa aɗi heum amu, ag anidppig. Yawe, ahilag Kayak, Nug laa ag kayak hambuppuak Bal, Peor appanu, ag appa nug noobppa dup nona binag meppig ele amu, Nug ag oh hatte nauhppig.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Josua 22:17

Ig hipunin, Peor appa hemut amu, ig amuppa bu awak elele iite aomut? Ig hipunin amu heut, Yawe Nug he, oɗe nau danab kuɗum aqe mauhtteb ele amu ig, Yawenu danab ah, ihinigppa beum, amge ig oonigppa laala ag hipunin amuppa eɗun nena qekkulagnu daatteb.

Josua 3:1

Lokkumakppa atu italak danab aɗit aa eɗuya uɗiya, Josua gumidya uɗieh, deɗ amu uue, wagɗe buttua Josua ahe, nug Israel danab ah oh ele ag ahan, Sitim uun, Jodan leppa goppig. Ag gona, nakok dimppa ag Jodan le mataɗkkulagnu amu, ag aguppa haen tutu dayaknu aab kalan daappig.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.