Namba 24:21 - Nobonob Baibel

^21-22 Aria, nug neekka, Ken buɗub danab anatta, nug nai meunab ele imu mattiom. “Ahilag dayak ena am ai ag attannab, men laa qaɗeppa teɗ metteb, am amubia, amge geha Asiria ag uɗin, ag eɗadna aɗualadppeg, ag eppelagppa daappeg, ag Ken buɗuppud, ag aakku nauhkkulag,” awa aum.

Namba 24:21 ပူးပေါင်းရင်းမြစ်များ

Genesis 15:19

Gemu amu, Ken danab, Kenis danab, Katmon danab,

Job 29:18

Anam amu, da dabmemi. ‘Da dahil haenppa, da, da laulppa mauhkkul. Ao, maɗ kuɗum huanak, ebqak ihi yu ihippa daatte, maɗ amubia ukka maleb, da kainonab mein malen, da mauhkkul,’ dabmemi.

Ikki Danab 1:16

Am Ken danab ah ag am Moses tana, nug buɗub. Amu haen Israel dilag huu okkai Juda ag Jeriko uun ahaeg amu, Ken danab ag ele ahaeg gona, Judanu atu taɗakppa wappig. Ag Negeb appa, Arat aab guguittak, Juda danab appa wan aon daappig amu, ag ag oolagppa nona daappig.

1 Samuel 15:6

Amu Ken buɗub ag Amalek guguittak daappig amunu, Saul nug ag dooglagnu nai imu ahilagppa me ukkom. “Israel danab ag Isip uun uɗiegeg amu, ag Ken danab, ag alalkad aɗi ag Israel, ahilagnu oo mauhaknab dooppig amunu, da dahilad daup ele ig Amalek aqadtata, ig ag ele aqadmata, ag ahan, laih ukkeg!” awa aum. Saul nug nai anam me ukke, Ken buɗub ag nai amu doon, ag ahan, laih goppig.