Namba 24:20 - Nobonob Baibel

²⁰ Aria, Balam nug neekka, nug Amalek danab ah anatta, nug nai meunab ele imu mattiom. “Amalek amu, nug danab laa oh oolagppanu anuqak dayom, amge nug geha nauha, iitta mekku,” awa aum.

Namba 24:20 ပူးပေါင်းရင်းမြစ်များ

1 Stori 4:43

Ag gona, ban hena, ag Amalek danab banppanu oolna, ena daappig ele oh aqaeg mauhppig. Ag aqan malona, ag aguppa digmena daaeg uɗie uɗie, gemu ⌊nai imu yaak haenppa⌋ ele, ag appa ana daatteb.

Esta 3:1

Haen laa dimppa, King Ekserksis nug Haman he, wan amunu ikki danab anuqak beum. Haman nug am Hamedata bekka. Hamedata nug am Agag buɗubppan. Nug ikki danab anuqak beum amunu, nug kingnu anuqak danab laa oh eɗattak.

Esta 9:14

Esta nug anam oɗ me, king nug ele anam haknu oo daye, amu ag ɗo nai amu Susa appa aeg dooppig. Amu ag Haman bekkod 10 ele diin, danab aihaknu balal attan maadna, aihadppig.

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Eksodas 17:16

Moses nug anam ha, nug aum. “Amalek ag Yawe tabappeg nekkunu heppig amunu, Yawe Nug hanhan Amalek ele ban hekku,” awa aum.

Eksodas 17:8

Aria, dimppa amu Repidim appa Amalek ag banelag uɗin, Israel aqaglagnu heeg,

Namba 24:19

Amu gumitta danab Jakop buɗubppanu amu, nug ba heeb, Seir ooppanu, danab aab okkaippa lokkumna daatteb bia, ag oh padal mekkulag,” awa aum.

Namba 24:7

Israel danab ah ag ahilagppa gu huana nekku. Ao, ahilkad ee, keh ele, keeke amu geha le huana aoglag. Geha ahilag king nug king laa onig Agag, nug eɗittak daakku. Ao, geha ahilag ɗo maɗoɗ am okkainab daakku.

Ikki Danab 6:3

Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

1 Samuel 14:48

Laa ele amu, Amalek danab ag banelag uɗin, Israel eheɗ hattana, ahilkad keeke aon goppig ele amu, Saul, nuhikkud daup ele banppa wagainab mena, ag Amalek eɗadppig amunu, Israel ag baula Amalek waappa ii daappig.

1 Samuel 15:2

Yawe Nukka Ɠagattag Oh Ele, Nug inam atte. ‘Israel danab ah, ag Isip uun uɗiglagnu uɗiegeg, Amalek danab ag eheɗ hadappig amunu, da Amalek heppignu bu madakkul.

1 Samuel 30:1

Akis Dawit amegppa nug nuhig ban danab huu ele eɗun gokkulagnu a, aakku ag eɗun deɗ aɗit gona, gona, deɗ ewamppa ag aab ag daattebppa teppig. Aab amu onig Siklak. Ag gona, aab ag daatteb ele amuppa teppig, amge haen ag ii daaegeg, Amalek ban danab huu ag uɗin, Juda wan laih ulah yau uɗitteppanu, appa ban henan, uɗin Siklak aabppa ele ban heppig. Ag banelag uɗin, ban hena, aab Siklak manaeg ewom.

1 Samuel 30:17

Dawit nug nuhig huu ele ag Amalek anadna daaeg ukke, haɗaedette ag Amalek aqaglagnu ban digmeppig. Ag Amalek ele ban heegeg ukke, tueb me, ag ban malappig. Ag ban anam hena, Amalek danab ameg naɗi daappig, ag amu oh aqaeg mauhppig; Amalek nid danab bau 400 aakkuib ag kamel attan oolna goppig.