Namba 24:10 - Nobonob Baibel

¹⁰ Balam nug nai amu mattie, Balak nug nuhignu oo huana nauhom. Nug eppeg bitakka, eppeg oo laih oa, nug aum. “Na uɗin, dahil kekeɗ dilag appe, ag eheɗ laa awaknu anak waappa daaglagnu, da ai uɗime, amge na haen ewam imu oh, na ag itittak ena mattame.

Namba 24:10 ပူးပေါင်းရင်းမြစ်များ

Nehemaia 13:2

Amon danab, Moap danab ele ag Israel oolagppa laippunab ii daamnanu diig am, haen Israel ag Isip wan uun uɗippig, ag uɗiegeg, Amon danab, Moap danab ele ag ee, le ele aon, Israel ii madappig. Iitta. Ag amu hak uun, Moap dilag king nug Balam heeb, Israel ag eheɗ laa awaknu anak waappa daaglagnu men doɗo mettom. Nug amu he, Balam nug amu hekkunu heum, amge Kayak he, eheɗ laa awaknu anak waappa dayaknu nai amu eɗua, itittak ena dayom.

Job 27:23

Ulah amu danab daalo, nug anam ha mala, nug gamag ahak naɗi doya, eppeg tap qelo. Nug danab amu eheɗnab awa awa qettalo.’ ⌊Ag anam atteb.⌋” Job nug anam awa aum.

Esekiel 21:14

Yawe Nug anam ana, Nug tuɗitta aum. “Anam amunu, danab bekka, ⌊na Israel danab ah ag hipunin nau heegeg uɗie, gemu ele hetteb amunu,⌋ na danab nug dabmak huanak awa, uug nau ele doya hette bia na eppen laihppa am eppen laih ona, dimppa aɗi bekkunu nai inam madippe doyeg! Yawenu qep elab am haen laippuib ii aqama. Iitta. Haen aɗit, am ewam ele aqadkku. Qep amuam danab ah huanak aqakkun daatte. Ge, qep amu nug danab ah huanaknab aqakkunu aakku daatte. Israel danab ah ag ahilag wanppa adeppa adeppa daatteb amu, nuhig qep aben amu ohppa danab ah kuɗum aqeb mauhkkulag.

Esekiel 21:17

Da Yawe, ⌊da Israel danab ah ag hipunin heegeg uɗie, gemu ele hetteb, da amunu⌋ danab nug dabmak huanak awa, uug nau ele doya hette bia da eppel laihppa, am eppel laih oppi, ⌊ag bu elele aoppeg,⌋ dahil oppoɗi bak am aakku iitta mekku. Da Yawe, da aakku ain malami,” awa aum.

Esekiel 22:13

Amu Naɗi Yawe Nug atte. “Ag men doɗo keeke ag ii aolob kobol eheɗppa aotteb, ag oolagppa danab aqaeg mauhtteb ele amu, da amunu danab nug dabmak huanak awa, uug nau ele doya hette bia da eppel laihppa am eppel laih okkul.

Namba 22:11

‘Danab ah laa ag Isip uun ahan uɗippig ele, ag wan oh tonan malan daatteb. Amu na uɗin, na dahilnu, ag eheɗ laa awaknu anak waappa daaglagnu a! Na anam heppe amu, da geha ag ele ban hetat, lamadppi, ag wan imu uun, oolna gokkulagtai,’ ” awa aum.

Namba 22:6

Amunu na uɗin, danab ah imu eheɗ laa awaknu anak waappa daaglagnu a! Aɗinu? Ag am ɠagattag huanak ele, dahil ɠagattag am elele iitta. Na anam heppe, da geha ag lamadppi, ag wan imuppanu ahan, oolna gokkulagtai. Na uɗin, amu hekkutnu ool daattenu diig am, da doottem, na laa ag itittak ena madattem amu, ag itittak ena aotteb, amu laa na ag eheɗ laa awaknu anak waappa daaglagnu attem amu, ag eheɗ laa awaknu anak waappa daatteb,” awa aum.

Namba 23:11

Balam nug Yawe nug anam akkunu aum, nug amu mattia male, amu Balak nug aum. “Na dahilnu aɗi heme? Na dahil kekeɗ dilagnu na appe, ag eheɗ laa awaknu anak waappa daaglagnu omaitte uɗimi, amge na amu haknu aɗitai laa ahilagnu ii heme. Iitta! Na ag itittak ena mattame!” awa aum.

Namba 24:11

Na anam heme amunu, na appanppa pahanab ukke! Da ami, na uɗin, dahil kekeɗ dilagnu ag eheɗ laa anak waappa daaglagnu akkut amu, da na nob okkainab medakkul ami, amge Yawe Nug na nob okkai aomnanu ib keldoum,” awa aum.

Namba 24:9

Israel danab ah ag amu laion laa bia; laion nug doɗ laa qa lawowa amu, nug niitte. Ao, Israel danab ag amu laion anig bia. Danab oh ag laion anam niieye maɗettaknu baɗatteb, amubia danab oh ag, ag Israel, ag ahilagnu anam dootteb. Auntai laa nug aɗalatteb ahaglagnu am laa iitta. O Israel danab, danab laa ag ag itadtteb amu, ag itittak ena aoglagnu ool daatte. Ao, danab laa ag ag eheɗ laa awaknu anak waappa daaglagnu nai atteb amu, ag am eheɗ laa awaknu anak waappa daaglagnu ool daatte.” Balam nug nai anam aakku mattiom.

Aposel 11:10

Lamen okkai amu nug ne, haen ewam bate, aria ⌊Kayak he⌋ keeke amu eɗua, hab aabppa teum.

Duteronomi 23:6

Ag maɗoɗ dayaknu Moap, Amon ele oolag laippu dayeb, nug tituanna nai qakkak nai laippu aib qagappig.