Namba 23:5 - Nobonob Baibel

⁵ Balam nug nai amu mattia male, Yawe Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Namba 23:5 ပူးပေါင်းရင်းမြစ်များ

Eksodas 4:15

Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Prowerb 16:1

Danab ah ag ahilag dabmakppa aɗi aɗi hekkulagnu maittak aotteb. Anam amge, Yawe Nug aɗi keeke bekku amu, Nug dabmaama he bette.

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Aisaia 51:16

⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Namba 22:20

Balam nug anam a amu, nai awa ukkak danab ag appa daaegeg, Kayak Nug Balam gumitta na aum. “Danab imu ag na ele oh gokkulagnu appeg dookkutnu uɗippig dayeb amu, na bappaidppe oh ukkeg, amge da na aɗi keeke hekkutnu akkul amu, aakkuib hekkut,” awa aum.

Namba 22:35

Balam nug anam aum, amge Yawenu engel nug amegppa aum. “Na danab imu ele gokkulag, amge na aɗi madikkutnu akkul ele aakkuib mattie!” awa aum. Awa a amu, Balam nug anuqak danab Balaknu ele oh goppig.

Namba 23:16

Balam nug anam awowa, nug nukka laih ukke, Yawe nug uɗa ta, Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Namba 23:4

Balam nug ukke amu, Kayak gumitta do, Balam nug Kayak amegppa aum. “Da qaɗab eblaih aɗit bappaidmi, amu qaɗab anen anenppa da makau gaiɗ laippu, sipsip dawai laippu manami,” awa aum.

Namba 23:6

Yawe Nug nai amu Balam amegppa aum amunu, Balam nug eɗua, Balak dayomppa ukkom. Nug eɗua ukka, nug Balak manaknu ofa nuhig guguittak hibaitta dayeye, Moap anuqak danab ag nug ele oh hippaidna daaegeg anattom.

Luk 12:12

Aɗinu? Am aua amuppaib geha Kayak Ouɗi Nug ag aɗi akkulagnu ag ippuanatteb, ag amelagppa mattiglag,” awa aum.

Jon 11:51

Nug nukka nuhig dabmakppa Jesus mauhkkunu nai amu ii aum. Iitta. Maɗ amuppa nug mana mettak ikki danab dayom amunu, Jesus mauha, Juda danab ah ehanadkkunu propet nai mattiom.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.