Namba 23:4 - Nobonob Baibel

⁴ Balam nug ukke amu, Kayak gumitta do, Balam nug Kayak amegppa aum. “Da qaɗab eblaih aɗit bappaidmi, amu qaɗab anen anenppa da makau gaiɗ laippu, sipsip dawai laippu manami,” awa aum.

Namba 23:4 ပူးပေါင်းရင်းမြစ်များ

Namba 22:20

Balam nug anam a amu, nai awa ukkak danab ag appa daaegeg, Kayak Nug Balam gumitta na aum. “Danab imu ag na ele oh gokkulagnu appeg dookkutnu uɗippig dayeb amu, na bappaidppe oh ukkeg, amge da na aɗi keeke hekkutnu akkul amu, aakkuib hekkut,” awa aum.

Namba 22:9

Aria, Moap, Midian ele dilag nai awa ukkak danab ag appa daaegeg, tuqan Kayak Nug Balam gumitta na, nug oɗ metta aum. “Imuam danab aun aɗi na ele daatteb?” awa oɗ mettom.

Namba 23:1

Balak nug Balam omale, Israel daappigppa goya anatta, nug aum. “Qaɗab eblaih aɗit ele doɗ mana mettaknu aqana meɗana, makau gaiɗ eblaih aɗit ele, amu sipsip dawai eblaih aɗit ele, qaɗab amuppa manattaknu babaitte!” awa aum.

Namba 23:16

Balam nug anam awowa, nug nukka laih ukke, Yawe nug uɗa ta, Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

Namba 23:5

Balam nug nai amu mattia male, Yawe Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Matyu 20:12

inam appig. ‘Danab umu ag dimnab doppig, ag aua laippuib uɗat heppig, am na ahilag uɗat nob daden, amu ihinig ele melemel laippu mattame. Amge ig buttuanab uɗat digmeta, uɗat huanak heutut, aam ele huanak iqom,’ aon appig.

Luk 18:12

Am da haen oh mettid laippu ooppa deɗ aɗit ee ohnu kud mein dayeye, amu da keeke aottem oh amu oppati, ameg eblaih tanig ele neeg, amu da na ameg laippu medattem,’ awa aum.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Rom 3:27

Anam daatte amunu, ig ikka oninig humagnignu ib adekku daatte? Ib amu laa iitta. Ib amu matu keldoum daatte. Amu aɗi keeke ib amu keldoum? Amu ɗo dim lamittak kobolte? Iittanab! Ooppa genab doyak, kobol amu ib amu aakku keldoum daatte.

Epesus 2:9

Nug danab laa nug nukka nug onig humamanu, Kayak Nug ahilag uɗat hakppa ii mattom. Iitta.