Namba 23:30 - Nobonob Baibel

³⁰ Balam nug anam a amu, Balak nug, nug aum bia ha, Balak nug makau gaiɗ, amu sipsip dawai ele qaɗab anen anenppa manattom.

Namba 23:30 ပူးပေါင်းရင်းမြစ်များ

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Namba 22:40

Aa goya, Kiriat Husot teya amu, appa Balak nug makau, sipsip ele mana, nuhig kayak mettom. Nug anam hewowa, nug teppu amunu laa Balam, amu anuqak danab oh goppig ele, amu mattom.

Namba 23:1

Balak nug Balam omale, Israel daappigppa goya anatta, nug aum. “Qaɗab eblaih aɗit ele doɗ mana mettaknu aqana meɗana, makau gaiɗ eblaih aɗit ele, amu sipsip dawai eblaih aɗit ele, qaɗab amuppa manattaknu babaitte!” awa aum.

Namba 23:2

Balam anam a, Balak nug nai amu dim lamitte, aria Balak, Balam ele aa makau dawai, amu sipsip dawai ele babaittak daappig, aa qaɗab anen anenppa makau gaiɗ laippu, sipsip dawai laippu ele mana mettak hepiɗ.

Namba 23:29

Aa appa teya daayya amu, Balam nug Balak amegppa aum. “Qaɗab eblaih aɗit ele dahilnu ippa aqana, makau gaiɗ eblaih aɗit ele, amu sipsip dawai eblaih aɗit ele da qaɗab amuppa manadkkulnu babaitte!” awa aum.

Namba 24:1

Aria, Yawe Nug haen aɗit kobol heum dimppa Balam nug doyom, Yawe Nug Israel itittak ena madakkunu ena doyom. Balam nug amu doyom amunu, nug tatam haen aɗit piɗe ukka, eman hak kobol heum bia baula ii heum. Iitta. Nug atu taɗakppa, Israel ag daappigppa neekke ukkom.