Namba 23:26 - Nobonob Baibel

²⁶ Balak anam a, Balam nai nob ma aum. “Yawe Nug da aɗi hekkulnu aum amu, da amu aakkuib hekkuloitte, da ai iite doome!” awa aum.

Namba 23:26 ပူးပေါင်းရင်းမြစ်များ

1 King 22:14

Nug anam aum, amge Mikaia nug ehanittak anuqak danab amegppa aum. “Yawe genab bau daatte, genab amubia da Yawe aɗi da amelppa atte amu, da amu aakkuib da madikkulnu elele,” awa aum. “Da keeke laanu madikkulnu elele iitta,” awa aum.

2 Stori 18:13

Amge Mikaia nug ehanittak anuqak danab amegppa aum. “Yawe genab bau daatte, genab amubia da dahil Kayak aɗi da amelppa atte amu, amu aakkuib da madikkulnu elele. Da keeke laanu madikkulnu elele iitta,” awa aum.

Namba 22:18

Ag gona anam amegppa appig, amge Balam nug nai nob ma aum. “Balak nug heeb, nuhig lag enanagnab, lag amuam silwa, gol ele ambak dayeb, nug da meɗakkutai, me da Yawe, Nug am dahil Kayak, da nuhig haknunab nai tippalen, keeke okkai laa, oo iitta keeke nakok laa hekkulnu elele iitta.

Namba 22:38

Balak nug anam a, Balam nug nob ma aum. “Aakku, amge da iikku na gemu gumitte uɗimi. Da uɗimi, amge da aɗitai laala ii apa. Kayak Nug da aɗi akkulnu akku aakkuib akkuloitte,” awa aum.

Namba 23:17

Yawe Nug anam aum amunu, Balam nug eɗua, Balak dayomppa ukkom. Nug eɗua ukka amu, nug Balak manaknu ofa nuhig guguittak hibaitta dayeye, Moap dilag anuqak danab, ag nug ele oh daaegeg anatte, Balak nug Balam oɗ mettom. “Yawe Nug aɗi aum?” awa oɗ mettom.

Namba 23:25

Balam nug Kayak oɗeppanu nai mattie amu, Balak nug amegppa aum. “Na Israel danab ah ag eheɗ laa awaknu anak waappa daaglagnu nai laa madikkutnu elele iitta daattem dayeb amu, na itittak ena mattamnanu, na nai laa aib mattime!” awa aum.

Namba 23:27

Balam nug anam a amu, Balak nug Balam amegppa aum. “Doppe, da na awitte, aben laappa ukkei, appatai Kayak Nug na dahilnu ag eheɗ laa awaknu anak waappa daaglagnu nai akkutnu oo ena dookkutai,” awa aum.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

Aposel 5:29

Nug anam a amu Pita nug totol danab 12 ele ag oh eɗun appig. “Kayaknu nai, amu danab dilag nai ele aa laippu iitta daattep dayeb amu, ig Kayak nai dim lamidkkunigoitte.