Namba 23:24 - Nobonob Baibel

²⁴ Danab ah ag laion anig laa ahe anidna baɗatteb amu, Israel danab ah, ag am laion amu laa bia. Yo, danab ah ag laion laa niiom ahe anidna baɗatteb amu, Israel danab ah ag am laion amubia. Laion ag doɗ laa qena lawona, ag hik aotteb. Genab, laion ag doɗ laa qena lawona, ag toettan daatteb amu, Israel ag anam daatteb.” Balam nug anam awa aum.

Namba 23:24 ပူးပေါင်းရင်းမြစ်များ

Genesis 49:27

Benyamin, nahipnu amu, na am doɗ wulp, enug eheɗ qette ele, na amubia daattem. Buttua na ban henana, kekeɗ eɗadttem. Ao, tueb na banppa keeke aome amu, na keeke amu paniadttem.” Jakop nug anam awa aum.

Genesis 49:9

Juda, na laion bau bia ɠagattagnab daattem. Ao, Juda, da bekkal, na laion doɗ laa qa lawowa, eɗua teɗuppa uɗitte bia, na anam hettem. Laion niikkunu haaha, beɗu taietta niitte, Juda na anambia hettem. Yo, laion anig niiebeb, laa nug maɗedakkunu baɗakku amu, laa Judanu anam dooglag.

1 King 10:20

Amu laion dottog 12 ag adqaɗ tappa tak eblaih laippu ele, amu anen anenppa, naɗiap-ppa, nanehppa ele hippaidna daappig. Amu wan laalappan king ag ahilag sia king anam am laa iitta.

2 Stori 9:18

King nug sia king amu attan taknu am adqaɗ tappa tak eblaih laippu ele hak daappig. King nug amuppa tekkunu amu, nug amu tappa, attan teum. Aria, sia amu dayaknu aben noobppa amu, amuppa baeg maknu balal nakok golppa hak ele tuɗittak daye, amu eppeg maknu aben aɗit ele daapiɗ. Eppeg maknu aben guguittak amu, laion dottog aɗit, laa laih hibaitta dayeye, laa laih hibaitta dayom.

Sam 17:12

Ag am laion laa enug qak doya, doɗ laa qa lakkunu daatte amu, ag amubia daatteb. Yo, ag am laion bau laa lokkuma dayaya, doɗ laa qa lakkunu ameg ma daatte bia daatteb.

Prowerb 30:30

Laa am laion, nug doɗ laa oh oolagppa ebehi ele, nug keeke laa baɗatta ii ooltte,

Aisaia 31:4

⌊Amuam genab bekku.⌋ Aɗinu? Yawe Nug da amelppa inam aum. “Laion nug doɗ laa qe mauhe, nug liɗimama guma daatte. Ao, laion bau nug doɗ laa qe mauhe, nug liɗimama guma daatte. Anam amu, sipsip gumak danab ameg okkai ag qagmena lamidkkulagnu muttub okkai qettebtai, amge laion amu nug amunu ii dabmette. Ag huanaknab enana, muttub naɗi qettebtai, amge laion nug ii baɗatte. Ao, ag oqotti digdig heegeg, oqotti ottetai, amge laion amu nug uug laa ii dootte. Laion nug anambia hette amu, ⌊amubia da kekeɗ dahilad ii baɗadpa; ahilag hak ele ii dabmepa⌋,” awa aum. Yawe Nukka Ɠagattag Oh Ele, Nug na, Sion qaukoppa dayebeb, nuhikkud kekeɗ ele ban hekkulagnu daakku.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Amos 3:8

Laion laa nug gaya malom, danab laa nug iite baɗakku? Ao, amubia Naɗi Yawe Nug nai mattia malom, propet laa nug nai amu doyom ele, nug nuhig nai amu iite tuɗitta mehuqa, laa amelagppa madikku?

Nahum 2:11

Laion ag nalkad teɗppa ee mattaeg latteb. Laion dawai, laion anig ele aa teɗppa ukkaeheh, nalti am baɗak laa iitta ele appa daatteb. Anukka Niniwe anam bia daye, appan danab ah ag baɗak iitta daappig, amge gemu am attemun? Gemu anambia iittanab iitta.

Nahum 2:12

⌊Niniwe am laion laa bia dayom.⌋ Laion dawai amu nug nakkud ee madakkunu doɗ laala aqom. Ao, nug laion anig ele ee madakkunu doɗ laa qeum. Nug ee huan teɗppa meum. Ao, nug teɗppa ee elele meum. ⌊Niniwe anam bia heum, amge gemu am anam iitta.⌋

Sekaraia 12:6

Amu Yawe Nug atte. “Deɗ amuppa da heppi, Judanu aab ikki ag waa ooppa aab nakok ewa ukka ukka, aab ameg qagmak eotte, o hul laa ewawa ukka, ee aeg gumu kuɗum ehagna qagmeppig eotte, ag amubia daaglag. Judanu aab ikkinu danab ag wan laala Juda wan talilittak daatteb eɗadna autna aoglag, amu Jerusalem am nuhig abenppa, appa ena, ɠagattag daakku,” awa atte.

Namba 23:25

Balam nug Kayak oɗeppanu nai mattie amu, Balak nug amegppa aum. “Na Israel danab ah ag eheɗ laa awaknu anak waappa daaglagnu nai laa madikkutnu elele iitta daattem dayeb amu, na itittak ena mattamnanu, na nai laa aib mattime!” awa aum.

Namba 24:17

Da laa anidttem, amge gemu iitta. Ao, da nug anidttem, amge umanab daatte. King naɗi laa hoɗoppai bia, geha Jakop buɗubppanu uɗikku. Yo, king naɗi laa geha Israel danab ah dilagppanu uɗikku. Nug geha Moap danab uɗalkad aoɗadkku. Yo, nug geha Set buɗubppan danab ⌊am Moap danab, nug ag⌋ ikkilkad oh aoɗadkku.

Duteronomi 33:20

Moses nug amu awowa, nug Israel dilag huu okkai Gad dilag aum. “Laa nug Gad dilag wan heeb, naɗi daakku amu, nug itittak ena ele daakku. Gad danab ag am laion laa bia, nug laa eppeg, o ikki kattiɗeb nekkunu babaitta daatte.

Revelesen 5:5

Anam gaaiyi, ikki danab laa nug da amelppa aum. “Na aib gaame! Antte! Danab laa, ɠagattag nuhig am laion bia, Nug Juda danab, Dawit buɗubppanu, Nug ban eɗittom amunu, Nug buk itoɗiak qataqak eblaih aɗit ele amu, Nug amu tola matulkkunu elele,” awa aum.