Namba 23:22 - Nobonob Baibel

²² Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte.

Namba 23:22 ပူးပေါင်းရင်းမြစ်များ

Sam 22:21

Na da ehaniɗppe, laion laa oɗe aaha emaiɗma, da na oɗ medattem. Yo, na ehaniɗppe, makau okkai ebehi ele dakkuɗ qeqeɗilagppa yaaiɗppeg, da padal mepanu unuqidttem.

Sam 68:35

Kayak Nug nuhig mettid lakka dayeye, danab ah ag Nug anidna, ag ebehilag oh bodoetta le mette. Nug am Israel dilag Kayak. Nug danab ah nuhikkud ɠagattag aqadtte. Ig Kayak binag humatu!

Sam 92:10

Na, da ɠagattagnab, makau okkai ebehi ele dakkuɗ bia heiɗme. Yo, na da itiɗna human qeme.

Eksodas 12:41

Ag maɗ 430 Isip daaegeg, deɗ maɗ 430 amu iitta meum, deɗ amuppanab amu, Yawenu danab ah, Israel, ag Isip uuppig.

Eksodas 12:51

Deɗ amuppaib Yawe Nug Israel buɗub huu anen anen oh diia omalatte, ag Isip uun goppig.

Eksodas 14:18

Haen da geha Paro, aria nuhikkud daup ele ag bannu karis attan daan, ban hetteb, nuhikkud daup ag hos attan daan, ban hetteb ele eɗatten, amuppa da binag amahlak oppiaawak ele aokkul amu, Isip danab ag da dakka am Yawe dooglag,” awa aum.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 9:16

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Aisaia 34:7

Makau okkai ebehi ele dakkuɗ am ele aqeb mauhkkulag. Makau gaiɗ, makau dawai okkai okkai ele aqeb mauhkkulag. Edom wanppa tiig huanaknab neeb, tiilag am wan amu toneb, leppu medakku. Ao, wan amuppan mauhak huanaknab dayebeb, ittag am gappud ele kabolieb, gappud leppu ambak ele bia daakku.

Namba 24:8

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte. Ag huu laala, ahilkad kekeɗ amu, ag heeg nauhadtteb. Ao, ag ebehilkad qiialatteg, naunau netteb. Ag latppa aqatteb.

Duteronomi 33:17

Josep buɗub ag makau dawai ɠagattagnab bia daatteb. Ahilag ɠagattag am makau okkai ebehi ele dakkuɗnu qeqeɗi bia. Makau qeqeɗippa danab yaatte, amubia nug buɗub ag wanppan wan laalappan danab, ukkeb ukkeb, wan batakppa, ag eɗadkkulag. Epraim buɗub 10,000 gane ag anam daatteb. Ge! Manase buɗub 1,000 gane, ag anam daatteb,” awa aum.

Josua 2:10

Ig ahilagnu baɗak okkai doottemnu diig am, Yawe Nug ehanatta, haen ag Isip uun bena uɗieg Nug he, Le Kokoɗ qaɗaiettom. Aria, Amo dilag king aɗit, aa Jodan lenu kaɗag uɗitteppanu daapiɗ amu, ag Israel, ag attem haatppig amu, ig amu ele doomut. Ag king aɗit amu, Og, Sihon ele, ag aa, amu danab ah wan ahilti, amuppa daappig ele, ag heeg, ag oh Yawenuib nuhig pelemppa daappig.