Namba 23:19 - Nobonob Baibel

¹⁹ Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Namba 23:19 ပူးပေါင်းရင်းမြစ်များ

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

1 King 14:11

Am Jeroboam baegppan danab laala ag aab okkai ooppa mauhkkulag amu, qai ag gaɗalag lakkulag. Am laa ag aab okkai dimittim, aben laalappa mauhkkulag amu, ai ag gaɗalag lakkulag.’ Yawe Nug anam awa aum. Amu anam bekkunu diig am, Yawe Nug anam ana malom,” awa aum.

2 King 7:2

Elisa nug anam a amu, ban daup ikki laa king ehanidtte, nug king ele oh uɗipiɗ, nug Elisa nai amu a doya, nug nob ma inam aum. “Yawe Nug habnu od matulatta, ee kuɗum gokkaɗeb neeb mekkeb amu, ig men doɗo nakokppa ee anam ii daden memata,” awa aum. Nug anam a, Elisa nug danab amu amegppa aum. “Na amu attem, amge da ami am genabnab genab, keeke amu geha beeb na amenppa anidkkut, amge na ee amu nakok laa ii lamana,” awa aum.

1 Stori 17:17

Anam, amge O Kayak, na amuib ehaniɗna hekkutnu ii dabmettem. Iitta. Na heppe, da, da nahip maɗi nid amu, da buɗulad oolagppanu laala, ag ahilag haen anen anenppa, ag Israel dilag king hanhan bena daaglagnu ele ame. O Yawe Kayak, na da danab okkainab daalom, na ehaniɗkkutnu helom bia iikku hettem, amge da danab okkainab amubia iitta.

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Sam 132:11

Dawitnu amu, Yawe Nug keeke laa genabnab hekkunu nai ɠagattag qetta aum. Nug Dawit amegppa aum amu, Nug hekkunu nai ɠagattag qetta anak amu tuqa ii aoma, hanhan daakku. Nug inam iikku aum. “Da heppi, na buɗunppan laa nug nahip sia kingppa daakku.

Sam 77:9

Kayak Nug ihinignu oo gai-iitta doya oo mekka ehanigkkunu daug atiomte? Nug oo nauhom daatte amunute Nug ihinignu oo bodoetta, le ii mette?” awe ami. Sila.

Sam 89:34

Da hei, da nug ele nug tituanɗa, nai qakkamuɗ ele amu, da nai amunu hamu bia doyen, ii tippalpa. Ao, da nai ami amu, da iinab baolipa.

Sam 89:35

Da Kayak, da oppiaawak daattem. Amu da Dawit amegppa keeke laa hekkulnu ainne amu, da dahil oppiaawak dayak dabmein, da amuppa dahil nai amu ɠagattag qettami. Da ami amu, da aakku ami; da baula ii apa. Amu da Dawit ii hambuppuidpa.

Aisaia 21:17

Kedar ag ban danab ɠagattag; ag latppa ban haknu ag doon autna aotteb, amge geha ag nauhppeg, ban danab ameg nakokib daaglag.” Aɗinu? Yawe, Nug Israel dilag Kayak, Nug anam awa atte.

Aisaia 31:2

Yawe Nug doyak dabmak ena ele. Nug heeb, uug naunab bekkunu elele. Nug aɗi keeke hekkunu dabma maditte, Nug mattiom amu aakku hette. Nug nai nuhig ii baolitte. Nug nau hak danab ah bu aqadkku. Ao, Nug danab ah ag eheɗ hak danab ehanatteg, ag eheɗ hetteb ele amu, Nug amu dilag oh Nug heeb, ag uug maon, padal mekkulag.

Aisaia 40:8

Gikkiɗah bunaɗtte, bala nena qetteb, amge ihinig Kayaknu nai am hanhan daatte.” Baag anam anana, am da anam akkulnu aum.

Aisaia 46:11

Da danab laa ⌊Sairus,⌋ aam bedeppanu, ⌊nug ban haknu danab⌋ ai doɗ qe mauhe latte, nug amubia hekku amu, da nug onigppa ettem. Ao, da wan umanabnu danab laa nug dahil dabmak dim lamitta, dahil oo hak heeb bekkunu onigppa ettem. Da aɗi heppi bekkunu ami am, ana bekku. Ao, da aɗi kobol bekkunu maittak aomi amu, da heppi bekku.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Daniel 4:28

Amu King Nebukatnesar nug uug laa nuhigppa bekkunu anttom amu, keeke amu oh nuhigppa aakku beum. Am inam.

Hosea 11:9

Da ahilagnu oo nauhak huanaknab doottem, amge oo nauhak amu da ag bu naunab madakkulnu ippuniɗtte, da bu anamnab ii madapa. Ge, da Israel eheɗ nau madappi, ag padal mena autnanab ii aomna; iitta. Aɗinu? Da danab iitta, da am Kayak. Ao, da am Kayak Oppiaawak Ele, da ag oolagppa daattem. Ge, da oppoɗi be ameg kokoɗ eppak ele ii uɗipa.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Habakuk 2:3

Aɗinu? Keeke da ippunidkkul amu, keeke amu nuhig haenppa bekku. Am uug gemu daattenu gog tak haenppan keeke. Am genab bekku; am hambuppuak laa iitta. Keeke amuam pahanab iitai bekku, amge na bahin aib yom. Iitta. Na ameg mena daye! Aɗinu? Keeke da na ippunidkkul am genabnab bekkun daatte, am nuhig bak haen am ii eɗidma.

Malakai 3:6

Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Namba 14:35

Da, da Yawe, geha da keeke imu oh genab, danab oh ag da diimeɗan, nau heppig ele, da ahilagppa hekkulnunab ami amu hekkul. Ag oh tamanin, da nai ami amu tappaeg neum. Ag geha atu taɗakppa iitta mekkulag; ag geha aben amuppa mauhkkulag,” awa aum.

Namba 23:18

Balak nug Balam anam oɗ mette amu, Balam nug digma, Yawe oɗeppanu nai meunab ele mattiom. Nug aum. “Balak, na ahan, na nai doye! Ao, Sipor bekka, na da doiɗe!

Luk 21:33

Hab wan ele am iitta mekkulah, amge nai dahil am iitta iinab mema,” awa aum.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Rom 9:6

Israel ag amu oh aoppig, Kayak Nug ele ag nuhikkudnab daaglagnu aum amunu, ig aɗi akkunig? Ig, “Kayaknu nai nug gai-iitta meum,” akkunigte? Iittanab! Aɗinu? Danab oh ag Israel buɗub beppig ele, ag oh am genab Israel danab ii daatteb.

2 Timoti 2:13

Ig nuhignu oo metta ii uuak kobol ii dim lamidkkunig dayeb; Nug nuhig diignu oo metta ii uuak kobol dim lamidkku. Aɗinu? Nug nuhig diig attem daatte, Nug amunu oo metta ii uuak kobol ii dim lamidkkunu elele iitta.”

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Hibru 7:21

Mana mettak danab anukka ag am anamnab iitta. Anukka auntai laa Kayak Nug Nug onigppa nuhig nai ɠagattag qetta anana he, mana mettak danab beum? Laa iitta, amge Jesus nuhignu aakkuib Kayak Nug nukka Nug onigppa nuhig nai ɠagattag qetta, mana mettak danab daakkunu a, Nug beum daatte. Kayak Nug Jesusnu inam aum. “Naɗi Nug nukka Nug onigppa nuhig nai ɠagattag qetta, ‘Na amu mana mettak danab hanhannu daattem,’ aum amu, Nug dabmak nuhig iinab baolima.”

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

Josua 21:45

Yawe Nug Israel dilagppa aɗi keeke ena hekkunu nai ana qakkom amu, Nug aakku he, meu beum. Laippu laa meu ii oum am iitta.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.

1 Samuel 3:12

Da kobol amu hekkul ele am inam. Da uug aɗi aɗi Eli, nug buɗub ele, da ag uug madakkulnu ami amu, da amu ohnab hekkul. Da laippu laa iinab tippalpa.