Namba 23:14 - Nobonob Baibel

¹⁴ Balak nug nai amu Balam amegppa awowa amu, nug omale, qauko Pisga, appa uɗem laa onig Sopim, aa appa tepiɗ. Appa amu, nug qaɗab eblaih aɗit ele aqa, nug makau gaiɗ laippu, amu sipsip dawai laippu ele qaɗab anen anenppa mana mettak heum.

Namba 23:14 ပူးပေါင်းရင်းမြစ်များ

Aisaia 46:6

⌊Amge amubia hekkulagnu⌋ laa ag ahilag bek battamppanu gol gokkaɗeg no, ag silwa skelppa tituanna meeg daatte. Dayeye amu, ag keeke golppa hak danab nug gol, silwa ele amuppa kayak hambuppuak dottog hekkunu men doɗo mettaeg hette. Nug ha male, ag dottog amu noobppa dup nona binag metteb.

Hosea 12:11

Gileat danab ah ag am nau hak huana hettebte? Ge, appan danab ah ag kobol amu huanaknab hetteb. Danab ah ag Gilgal appa, menppa qaɗab hattak amuppa mana mettak hena, makau dawai manadttebte? Ag hetteb, amge men amu geha nena, dad okkai laa daugppa men hamu qagmak daatteb bia daaglag.

Namba 23:13

Aria, Balak nug Balam amegppa aum. “Na da ele laih goɗa, appa na Israel danab ah anadkkut, amge na ag oh ii anadmana. Geha na ag laa aakkuib anadkkut. Na ag aben amuppa anadna amu, na ag eheɗ laa awaknu anak waappa daaglagnu nai a!” awa aum.

Namba 23:15

Balak nug doɗ manatte, Balam amegppa aum. “Na inam nahip manaknu ofa guman daappe, da wappi, Yawe da ele, i appa nug uɗa tekkunih,” awa aum.

Namba 23:29

Aa appa teya daayya amu, Balam nug Balak amegppa aum. “Qaɗab eblaih aɗit ele dahilnu ippa aqana, makau gaiɗ eblaih aɗit ele, amu sipsip dawai eblaih aɗit ele da qaɗab amuppa manadkkulnu babaitte!” awa aum.

Duteronomi 3:27

Na amu Jodan le ii mataɗmana, amge na neegna, wan anttakib hekkut amunu, na Pisga qauko igippa tena daanna, laih laih ohppa neegppe ukkeb, na wan atu amu oh anidkkut.

Duteronomi 34:1

Moses nug amu mattia mala nug Moap wan uɗem amu uua aha ukka, Nebo qauko ta ukka, qauko igippa, ag Pisga Igippa atteb, appa teum. Aab Jeriko am, Jodan le laih daatte. Nug te, Yawe Nug Kanan wan oh ippunittom. Amuam Gileat wanppa ukka Dan batak ippunitta,

Duteronomi 4:49

Ag danab ag Jodan leppanu kaɗag uɗitteppanu, atu Araba, amu oh amuppa daatte, ag danab amuppanu, ag ag eɗadna, aben amu aoeg ukke, yau uɗitteppanu ukka, Mauhak Le gottuppa noum. Qauko Pisga am wan amunu kaɗag uɗitteppanu tom aakku.