Namba 22:9 - Nobonob Baibel

⁹ Aria, Moap, Midian ele dilag nai awa ukkak danab ag appa daaegeg, tuqan Kayak Nug Balam gumitta na, nug oɗ metta aum. “Imuam danab aun aɗi na ele daatteb?” awa oɗ mettom.

Namba 22:9 ပူးပေါင်းရင်းမြစ်များ

Genesis 16:8

Engel Hagar antta amu, nug Hagar oɗ mettom. “Hagar, Sarainu maɗi ah, na adeppanu uɗime? Na adeppa gottem?” awa oɗ mettom. Anam ana oɗ mette, amu Hagar nug engel oɗeppa awa aum. “Da dahil okkai Sarai uuitten oole gottem,” awa aum.

Genesis 20:3

Awom, amge dimppa Kayak Nug tulppa Abimelek amegppa aum. “Na ah aome ele amu, nug danab ele amunu, na mauhme daattem,” awa aum.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 4:9

Mauhe amu, Yawe Nug Kain amegppa aum. “Na amap Abel adeppa daatte?” awa oɗ mettom. Oɗ mette amu, Kain nug aum. “Eetai, da ii doottem. Da haen oh Abel gume daakkulnu daattemte?”

Genesis 41:25

Paro anam a amu, Josep nug aum. “Nahip tul niiak aɗit amu diig laippu. Kayak Nug aɗi keeke hekkunu hette amu, Nug ippunittom.

Eksodas 4:2

Moses nug anam a amu, Yawe nug oɗ mettom. “Na aɗi aɗattem?” A amu, Moses nug aum. “Da dudqak hokkat aɗattem,” awa aum.

Daniel 2:45

O king, na men, laa Nug qaukoppanu okkula awom, amge laa amu heum am danab iitta, na tulelegppa anidme, na men amu dottognu aen, bras, wan aab aɗuppa ewom ele, silwa, gol ele he, huppu nakok nakok neum ele anidme amu, tulegleg amunu meu am aakku. Kayak, Nug onig, ɠagattag ele, Nug dimppa aɗi bekku am aakku na ippunittom. Tul niiak amuam keeke genab ippunigtte, meu da na amenppa ami ele am genab; na amu ootppa genab dookkutnu elele.” Daniel nug King Nebukatnesar amegppa anam aum.

Namba 22:10

Kayak Nug Balam anam oɗ metta a, Balam nug Kayak amegppa aum. “Ag am Sipor bekka Balak, Moap dilag king, nug ag maatta, eppelagppa nai imu me uɗiom.

Namba 22:20

Balam nug anam a amu, nai awa ukkak danab ag appa daaegeg, Kayak Nug Balam gumitta na aum. “Danab imu ag na ele oh gokkulagnu appeg dookkutnu uɗippig dayeb amu, na bappaidppe oh ukkeg, amge da na aɗi keeke hekkutnu akkul amu, aakkuib hekkut,” awa aum.

Namba 22:8

Ag Balak nug aɗi aum amu aeg, amu Balam nug ag amelagppa aum. “Ag tuqan laippu imu ippa niippeg, buttua amu, da geha Yawe Nug da ag appig bia hekkulnu oo daatte, o iitta amu ab doyen, da appi dooglag,” awa aum. Amunu Moap anuqak danab ag nug ele daappig.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 7:22

Anam daatte amunu, epeɗiak deɗ naɗippa danab ah kuɗum ag da amelppa akkulag. ‘Naɗi, Naɗi, ig na oninppa propet nai iite mehuqmut? Na oninppa ele ouɗi nau iite lamadmut? Ig na oninppa kobol danab haknu elele iitta kuɗum laa iite hemut?’

Jon 11:51

Nug nukka nuhig dabmakppa Jesus mauhkkunu nai amu ii aum. Iitta. Maɗ amuppa nug mana mettak ikki danab dayom amunu, Jesus mauha, Juda danab ah ehanadkkunu propet nai mattiom.