Namba 22:38 - Nobonob Baibel

³⁸ Balak nug anam a, Balam nug nob ma aum. “Aakku, amge da iikku na gemu gumitte uɗimi. Da uɗimi, amge da aɗitai laala ii apa. Kayak Nug da aɗi akkulnu akku aakkuib akkuloitte,” awa aum.

Namba 22:38 ပူးပေါင်းရင်းမြစ်များ

1 King 22:14

Nug anam aum, amge Mikaia nug ehanittak anuqak danab amegppa aum. “Yawe genab bau daatte, genab amubia da Yawe aɗi da amelppa atte amu, da amu aakkuib da madikkulnu elele,” awa aum. “Da keeke laanu madikkulnu elele iitta,” awa aum.

1 King 22:16

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

2 Stori 18:13

Amge Mikaia nug ehanittak anuqak danab amegppa aum. “Yawe genab bau daatte, genab amubia da dahil Kayak aɗi da amelppa atte amu, amu aakkuib da madikkulnu elele. Da keeke laanu madikkulnu elele iitta,” awa aum.

Sam 33:10

Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Aisaia 47:12

Anam bekku amunu, ag digmena huu daappig haenppa, ag haen amuppa digmena, baɗ digdig, emaɗ hak digdig ɠagattag aoglagnu henana oippig amu, ag amu hekkulagnu aib uuppig! Ag tuɗidna hekkulag amu, ag ehanittak nakok aoglagtai. Ag amu tuɗidna hekkulag amu, ag heppeg, laa ag eheɗ nau baɗadkkulagtai. ⌊Iitta. Da aɗi heppi bekku am bekku!⌋

Namba 22:18

Ag gona anam amegppa appig, amge Balam nug nai nob ma aum. “Balak nug heeb, nuhig lag enanagnab, lag amuam silwa, gol ele ambak dayeb, nug da meɗakkutai, me da Yawe, Nug am dahil Kayak, da nuhig haknunab nai tippalen, keeke okkai laa, oo iitta keeke nakok laa hekkulnu elele iitta.

Namba 22:37

Aa nug uɗa teya amu, Balak nug Balam amegppa aum. “Da na paha uɗikkutnu matu ami. Na aɗinu ii uɗime? Da na keeke enanag, nob okkai ele medakkulnu elele iite daattem,” awa aum.

Namba 22:39

Aa nai anam mattiya maloya amu, Balak Kiriat Husot ugekke, Balam nug ele oh gopiɗ.

Namba 22:8

Ag Balak nug aɗi aum amu aeg, amu Balam nug ag amelagppa aum. “Ag tuqan laippu imu ippa niippeg, buttua amu, da geha Yawe Nug da ag appig bia hekkulnu oo daatte, o iitta amu ab doyen, da appi dooglag,” awa aum. Amunu Moap anuqak danab ag nug ele daappig.

Namba 23:16

Balam nug anam awowa, nug nukka laih ukke, Yawe nug uɗa ta, Nug nai laa amegppa aum. Nug nai amu amegppa ana amu, Nug aum. “Na eɗun, Balak toppa gona, nai imu appe doyaɗ!” awa aum.

Namba 23:26

Balak anam a, Balam nai nob ma aum. “Yawe Nug da aɗi hekkulnu aum amu, da amu aakkuib hekkuloitte, da ai iite doome!” awa aum.