Namba 22:34 - Nobonob Baibel

³⁴ Engel anam a amu, Balam nug Yawenu engel amegppa aum. “Da hipunin qemi. Aɗinu? Na da eheɗ hepanu ibppa daanna, dahil ib keldona daame amu, da ii doomi. Gemu, na da gokkulnu ootppa ena ii doottem dayeb amu, da eɗue gokkul,” awa aum.

Namba 22:34 ပူးပေါင်းရင်းမြစ်များ

2 Samuel 12:13

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,

1 Stori 21:7

Amu Dawit nug Joap Israel danab ebaqakkununab aum amu, Joap nug amunu ena iinab doye, Dawitnu haknunab nai amuam Kayaknu neekkakppa ele eheɗ dayom amunu, Nug Israel danab ah bu mattom.

Sam 78:34

Haen laala Kayak Nug laa aqe amu, haen amuppa laa daappig ag Kayaknu dabmak dooglagnu meulag ohppa dabmena, ag oolag eɗue, Kayak toppa wappig.

Eksodas 9:27

Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Prowerb 24:18

Na gaman aheb amu, Yawe Nug antta, nug ena ii dooma; Nug ena ii doya eɗua heeb, kekeɗ bu mettak ii aweb, ⌊na aokkut⌋.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 14:40

Wagɗeb buttuanab amu ag ahan, Kanan wanppa laih qauko qauko ele, ag wan amuppa tena, ban hena, wan aoglagnu bappaidppig. Ag appig. “Ig hipunin hemut ⌊doottem, amge gemu ig oonig eɗuttem⌋ amunu, ig aakku gota, wan Yawe Nug ig megakkunu nai qakka aum, ig amuppa tekkunig,” aon appig.

Namba 22:12

Balam nug anam Kayak amegppa aum, amge Kayak Nug eɗua Balam amegppa aum. “Na aib ag dim lamadme. Danab huanaknab Moap wan daugppa daatteb amu, da ag itittak ena mattamide amunu, na aib ag eheɗ laa awaknu anak waappa daaglagnu ame!” awa aum.

Namba 22:33

Donki nug da aakku haen ewam amuppa aniɗaɗa eɗuom. Nug ii qe melo amu, da gemu na nittalom, amge da donki nug ii oppatlom,” awa aum.

1 Samuel 15:24

Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.

1 Samuel 24:17

Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.

1 Samuel 26:21

Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.