Namba 22:23 - Nobonob Baibel

²³ Balam nug engel ii anttom, amge donki nuhig nug am anttom. Haen donki nug Yawenu engel ibppa qep elab naɗi laa aɗa dayeye antta amu, nug eɗua, dad laa ib giginppa dayom, amuppa waum. Nug anam he, Balam nug donki eɗua ib manppa wakkunu makkuɗom.

Namba 22:23 ပူးပေါင်းရင်းမြစ်များ

2 King 6:17

Elisa nug anam awowa, nug inam unuqittom. “O Yawe, dahil maɗi nid ameg oppatppe, ig ehanigkkulagnu ameg naɗi daatteb amu, nug anadkkunu oɗ medattem,” awa unuqittom. Aria, Yawe Nug maɗi nid amu ameg oppate, hos, bannu karis ele kuɗumnab qauko nakok kuɗum Elisa daatteppa, ag amuppa elele mette, ambena daaegeg anattom. Hos am bannu karis ele daappig anttom amu, ag am aab aɗu, amge aab aɗu amu dottog am hos, bannu karis dottolag dayom.

1 Stori 21:16

Amu Dawit nug neekke, attan te, nug Yawenu engel nug hab, wan ele gamalahppa dayaya, nug qep elab eppegppa aɗe, qep amu Jerusalem attan daye antte, nug Israel dilag ikki danab ele, ag oh lamen heɗiag ele takkaladna amu, nug ag ele oh laippun gatelag qaun o, gomelna, iɗulag wanppa meppig.

Jeremaia 8:7

Stok nug oug haen uɗitte doya, nug aha, hagagɗa, laih oug haen iittappa gokkunu dootte. Ao, uppuɗil beɗulag nakok, ai swipt, amu trus ele, ag ele anam dootteb. Ai ag anam dootteb, amge dahilad danab ah ag ɗo da, Yawe, da ag dim lamidkkulagnu mattami ii dootteb.

Daniel 10:7

Da, Daniel, da dakka tulegleg amu anidmi, laa da ele daamut, ag ii anidppig, amge baɗak eheɗ nau ahilagppa be, ag oolna, lokkumna daappig.

Namba 22:22

⌊Amu Balam nug Kayak aɗi hekkunu aum amu ii dim lamitta, eheɗ hekkunu dabmeum⌋ amunu, nug ugekke, Kayak Nug Balamnu oo huana nauhe, Yawenu engel na, nug kekeɗab ib gamagppa dayom. Balam nug donki nuhigppa ugekke, nuhig maɗi nid aɗit laa nug ele oh goppig.

Namba 22:24

Balam nug donki awa, nug ib gokku eleppa me, amu Yawenu engel nug wana, grep dad aɗit ib daug laplap daapiɗppa, ib hogogdoakppa, appa, laih laih am men aɗ ele daaeheh gamagppa hibaitta dayom.

Aposel 22:9

Danab laala ag da ele gomut amu, ag amahlak anidppig, amge Naɗi Nug nai da amelppa mattiom ele, ag amunu oolag ii maittom.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

2 Pita 2:16

Amge Balam nug kobol nau amu uukkunu, doɗ donki, doɗ amu nai ele ii maditteb, nug danab baag awa propet Balam amegppa nai mattia, daug batom.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.