Namba 22:12 - Nobonob Baibel

¹² Balam nug anam Kayak amegppa aum, amge Kayak Nug eɗua Balam amegppa aum. “Na aib ag dim lamadme. Danab huanaknab Moap wan daugppa daatteb amu, da ag itittak ena mattamide amunu, na aib ag eheɗ laa awaknu anak waappa daaglagnu ame!” awa aum.

Namba 22:12 ပူးပေါင်းရင်းမြစ်များ

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

2 Stori 31:10

Nug ag oɗ matte, mana mettak ikki danab Asaria, nug Sadok buɗub amu, nug nai mattia, king aum nob ma aum. “Yawe Nug nuhikkud danab ah itittak ena madatte amunu, danab ah ag digmena, ahilkad keeke aon, Yawenu mettid lakka uɗin meegeg, ig ee keeke elelenab daaut uɗie, gemu ele daautut, am laa hamu daatte. Keeke amuam qagmak naɗinab iikku daatteb,” awa aum.

Sam 144:15

Huu laa ag anam daatteb amu, ag itittak ena aoppig daatteb. Ao, huu laa ag ahilag Kayak am Yawe, huu amu ag ag itittak ena aoppig daatteb.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Aisaia 61:9

Wan atu ohnu danab ah ag dahilad danab ah buɗulkad dooglag. Ge, wan atu ohnu danab ah ag dahilad danab ah dilag menuattak dooglag. Ag amu dooppeg, aun aɗi ag dahilad danab ah buɗulkad anadna amu, ag inam dooglag. ‘Danab amu ag Yawenu danab ah. Yawe ag itittak ena mattom.’ ” Yawe Nug anam atte.

Maika 6:5

O danab ah dahilad, ag da, da Yawe, ag da kobol genab tutukku ele hanhan hettem dooglagnu, ag Moap dilag king Balak, nug ag Israel eheɗ hadakkunu dabmeum ele amu, ag nuhig nai nau amu dabmenana, ag Beor bekka Balam nug aɗi nai eɗua, Balak amegppa aum amu, ag amu oh dabmenan dayeg! Laa amu, ag Israel, ag Sitim daanna, ag ahan, Jodan le mataɗna, Gilgal goppig amu, ag amu ele dabmenan dayeg!” Yawe Nug anam awa atte.

Namba 22:11

‘Danab ah laa ag Isip uun ahan uɗippig ele, ag wan oh tonan malan daatteb. Amu na uɗin, na dahilnu, ag eheɗ laa awaknu anak waappa daaglagnu a! Na anam heppe amu, da geha ag ele ban hetat, lamadppi, ag wan imu uun, oolna gokkulagtai,’ ” awa aum.

Namba 22:13

Yawe Nug anam a amu, buttua Balam nug aha, anuqak danab Balak maatte goppig ele amelagppa aum. “Ag eɗun, ahilag wanppa ukkeg! Aɗinu? Yawe Nug da ag dim lamadkkulnu uua, aib aum,” awa aum.

Namba 22:6

Amunu na uɗin, danab ah imu eheɗ laa awaknu anak waappa daaglagnu a! Aɗinu? Ag am ɠagattag huanak ele, dahil ɠagattag am elele iitta. Na anam heppe, da geha ag lamadppi, ag wan imuppanu ahan, oolna gokkulagtai. Na uɗin, amu hekkutnu ool daattenu diig am, da doottem, na laa ag itittak ena madattem amu, ag itittak ena aotteb, amu laa na ag eheɗ laa awaknu anak waappa daaglagnu attem amu, ag eheɗ laa awaknu anak waappa daatteb,” awa aum.

Namba 23:23

Emaɗ hak laa Jakop buɗub qeeb nekkunu elele iitta. Ao, eman laa Israel danab ah aqakkunu elele iitta. Danab ah laa ag Yawe Nug Jakop buɗub, am Israel danab ah ele amu, Nug amu dilagppa hette anidna, ag akkulag. ‘Kayak heum umu antteg!’ aon akkulag.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

Namba 23:8

Balak nug da anam hekkulnu aum, amge Kayak Nug laa ag eheɗ laa awaknu anak waappa daaglagnu ii aum ele amu, da ahilagnu ag eheɗ laa awaknu anak waappa daaglagnu akkulnu elele iitta. Ao, Yawe Nug laa, ag nauhkkulagnu ii aum ele amu, da ahilagnu ag nauhkkulagnu akkulnu elele iitta.

Namba 24:9

Israel danab ah ag amu laion laa bia; laion nug doɗ laa qa lawowa amu, nug niitte. Ao, Israel danab ag amu laion anig bia. Danab oh ag laion anam niieye maɗettaknu baɗatteb, amubia danab oh ag, ag Israel, ag ahilagnu anam dootteb. Auntai laa nug aɗalatteb ahaglagnu am laa iitta. O Israel danab, danab laa ag ag itadtteb amu, ag itittak ena aoglagnu ool daatte. Ao, danab laa ag ag eheɗ laa awaknu anak waappa daaglagnu nai atteb amu, ag am eheɗ laa awaknu anak waappa daaglagnu ool daatte.” Balam nug nai anam aakku mattiom.

Matyu 27:19

Pailat nug anam oɗ matta, nug hettoɗiak abenppa dayeye, nug wau nai inam me uɗiom. “Danab beɗuppa aab iitta amunu amu, na nuhigppa keeke laa aib heme. Da gemu nuhignu tul niimi, amu da uug, guittak ele huanak doomi,” awa aum.

Rom 11:29

Aɗinu? Kayak Nug danab tituana, keeke laa nuhig daakkunu hamu metta, nug onigppa eum ele amu, Nug nuhig dabmak dimppa amunu iinab baolitte.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 23:5

Amge Yawe, ahilag Kayak, Nug ag Israel, ahilagnu oo mauhak dootte amunu, Nug Balam, ag Israel, ag eheɗ laa awaknu anak waappa daaglagnu nai akkunu uua, nug amu amananu ib keldoum. Nug Balam anam hekkunu uua he, ii beum, amge Yawe Nug he, Balam nug itittak ena ag mattom.

Duteronomi 28:6

Haen ag dimittim gokkulag, eɗun ele uɗiglag, Yawe Nug ukkak, uɗiak amu ohppa itadkku.

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.

Duteronomi 7:14

Ag itittak enanag, laa oh dilag eɗittak ele wanppa daaglag. Danab, o ah laippu laa nid iitta laa ii daama, ahilkad doɗ oh geha nalkad menuadkkulag.