Namba 21:34 - Nobonob Baibel

³⁴ Ag ban hekkulagnu uɗieg amu, Yawe Nug Moses amegppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Namba 21:34 ပူးပေါင်းရင်းမြစ်များ

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

1 King 20:13

Aria, Yawenu propet laa nug Israel dilag king Ahap gukkuitta ukka, nug amegppa aum. “Yawe Nug inam atte. ‘Na daup huanak ɠagattag ele anidttem amu, da gemu heppi, na ag eɗadkkut. Amuppa amu na dookkut; da am Yawe.’ Nug anam awa atte.” Propet nug Ahap amegppa anam aum.

1 King 20:28

Amu Kayaknu propet laa nug nai awa ukka, King Ahap toppa ukka, nug Ahap amegppa aum. “Yawe Nug inam atte. ‘Aram danab ag da Yawe, dahilnu, “Nug am atu qaukonu Kayak, Nug am atu uɗemnu Kayak iitta,” aon atteb amunu, da geha heppi, ag Israel ag ahan, Aram ban danab ameg naɗi amu eɗattona, geha ag Israel ag dooglag, da am Yawe,’ awa atte,” awa aum.

2 King 3:18

Elisa nug nai amu awowa, nug tuɗitta aum. “Yawe Nug keeke imu hekkunu am uug iitta. Nug ag le madakkunu am keeke okkai iitta, am keeke nakoknab. Ele amu, Yawe Nug Moap ag eppelagppa maadkku.

Aisaia 41:13

Keeke anam daakkunu diig am, da am Yawe, da ahilag Kayak daattem. Da ag eppelag naɗiap aɗe ehanadttem. Da ag amelagppa ‘Ag aib baɗappig, da ag ehanadkkul,’ attem.

Namba 14:9

Keeke laippu am okkainab daatte. Amuam, ag Yawe dimettan, nuhig nai aib tabappeg noum. Laa amu, ig geha danab ah wan amuppanu eɗadta autta aognig amunu, ag aib ahilagnu baɗappig. Ag am ehanittak laa iitta, amge Yawe Nug ig ele daattem. Ag ahilagnu aib baɗappig,” aoya apiɗ.

Duteronomi 2:30

Da nai amu mei ukke doyom, amge Hesbon dilag king Sihon nug ig anam hekkunignu uuom. Aɗinu? Yawe, ahilag Kayak, Nug ag ehanatteb, ag Sihon eɗidkkulagnu, Nug he, Sihonnu dabmak aakku ɠagattag eppe, hibguitta heum. Sihon nug ag wan nuhig oppatna gokkulagnu uuom me, ag gemu dootteb bia, Yawe Nug ag ehanatte, ag nug eɗidppig.

Duteronomi 20:3

Nug akku. “O Israel danab ah, ag daulag human doyeg! Ag gemu kekeɗ banelag gotteb. Ag aib baɗappig! Oolagppa gai-iitta aib dooppig. Ag ban henana, ag baɗak eheɗ nau dooppeg, ahilag dabmak eɗatteb, hamu laih laih aib oolppig.

Duteronomi 3:1

Amu dimppa amu, ig eɗut, aot Basannu ib ukkak, amu gomut. Ig ukkautut amu, Basan dilag king Og, nug nuhikkud ban daup oh ele ag Edrei appa ig banenig uɗippig.

Duteronomi 3:11

Keeke laa amu, Og, Basan dilag king, nug am Repaim danab okkai okkai dimnunab aakku amunu, nuhig niiak balal aenppa hak, elab nuhig amu 4 mita eɗittak, emaitak am 2 mita bia. Keeke amu ⌊nai imu yaak haenppa⌋ Amon dilag aab Raba appa dayeye anidtteb.

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Duteronomi 7:17

Am ag inam dabmekkulagtai. “Wan anen anen umun danab, ag ahilag ɠagattag ig eɗikkak daatteb amunu, ig attem heta lamadkkunignu elele daagnig?” Ag anam dabmekkulagtai.

Duteronomi 7:18

Amge ag ahilagnu aib baɗappig! Yawe, ahilag Kayak, Nug Paro, amu Isip wan ohppa ele dilagppa heum amu, hak amu ag daulagppa doaɗ!

Duteronomi 7:21

Yawe, ahilag Kayak, Nug am ɠagattag okkai ele, danab Nug antta, ebehi oh bodoetta le mette elenu Kayak amunu, ag danab amu dilagnu baɗak eheɗ nau aib dooppig.

Duteronomi 7:24

Nug geha danab amu, Nug king ahilkad diia, ag eppelagppa meeb, ag hadappeg nauhkkulag. Ag heppeg, king amu ag nauhna autnanab aon, ag wanppa deɗ laa ii daalob, am anambia daakku. Auntai laa ag, ag Israel eɗadkkulagnu elele iitta. Geha ag hadappeg, nauhna iitta mekkulag.

Josua 10:25

Ag anam heeg, Josua nug ag amelagppa aum. “Yawe Nug ahilkad kekeɗ oh, ag ag ele ban hekkulag ele amu, Nug imu dilagppa heumbia amu, Nug amu dilagppa hekku amunu, ag aib baɗappig; dabmakppa ele qe nak aib dooppig! Ag ɠagattag daan, oolagppa ɠagattag doyeg!” awa aum.

Josua 10:8

⌊Amge tatam⌋ Yawe Nug Josua amegppa aum. “Ag aib baɗadppig. Aɗinu? Da geha heppi, ag eɗadkkulag. Laippu laa ag Israel ban danab eɗadkkunu, laa iinab daama. Iittanab,” awa aum.

Josua 8:7

Ai ag anam heppeg, ig Israel laa ig ele anam hepput amu, ag lokkumna daaglag ele, ag amu anidna, ag ahilag haen aakku beum doon, ag ahan, ban hena, aab okkai amu eɗidna aoglag. Yawe, ahilag Kayak, Nug ag madakku.

Ikki Danab 11:30

Amu beebe amu, Jepta nug keeke laa genabnab hekkunu Yawe amegppa nai anan qakka inam aum. “Na da ehaniɗppe, da Amon eɗadkkul dayeb,

1 Samuel 23:4

Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.