Namba 21:25 - Nobonob Baibel

^25-26 Hesbon am Sihon, Amo dilag king, nuhig aab okkai. Anukka nug Moap dilag king ele ban heya, nug Moap dilag wan ukka Arnon le batak, nug wan amu oh nuhigppanu awom amunu, gemu amu, Israel ag Amo dilag aab okkai, Sihon waappa daappig ele, ag amu oh diin, ag aab amuppa daappig. Aab amu oolagppan laa am aab okkai Hesbon, am nug taliliak aab naunau oh ele.

Namba 21:25 ပူးပေါင်းရင်းမြစ်များ

Solomonnu Ahi 7:4

Lag attan ta ukkak aivorippa hak, am nuhig neekkak enanag; amu na baat ele amubia neekkak nuhig enanag daatte. Hesbon appa, aabnu aɗ od onig Batrabim, appa le gottu aɗit, neekkak ahilah enanag ele daattep; am na amen laih laih oh ele amubia neekkak enanag daattep. Aab okkai Damaskus guguittak am lag attan ta ukkak menppa hak laa appa onig Lebanonnu lag attan ta ukkak daatte. Lag amuam neekkak enanag; amu na noom ele am neekkak enanag, amubia daatte.

Aisaia 15:4

Moap danab ah aab okkai Hesbon daatteb, laa Eleale aab okkaippa daatteb ele amu, ag baalag okkaippa enan qanappeg, Moap danab ah Jahas aab okkaippa daatteb, ag dooglag. Ag anam qanaglag amunu, Moap ban danab ag ebeppeg, ebehilag ele bodoedakku.

Jeremaia 48:2

O Moap danab ah, auntai laa nug ag binalag ii mette. Kekeɗ ag ⌊ahilag aab tomppa daatte onig⌋ Hesbon eɗidna, ag appa daan, ib attenppa Moap heppeg nauhkkunu nai mattiglag. Ag akkulag. ‘Ahappeg, ig Moap hepput nauhaɗ!’ aon akkulag. Aab onig Madmen, appa amu kekeɗ ag qep elabppa heppeg, hele-ettak daakku.

Jeremaia 48:34

Uug okkai beeb, da heppi, le Nimrim ele qaɗaiedakku amunu, danab ah Hesbonnu, Elealenu ele ag baɗan eppeg, danab ah Jahasnu ag doon, Soarnu ele doon, danab ah aab laa uma daattep, Horonaimnu am Eklat Selisianu ele amu, ag dooglag.

Jeremaia 48:45

Amu Yawe Nug atte. “Moapnu danab ah ag aab laalappanu oolkkulag ele, ag Hesbon guguittak daan, ehanittak aoglagnu oolag hekku, amge ag ehanittak laa ii aomna. Aɗinu? Aab huana ewawa ukka, danab nakok uma daatte beɗu ewe nauhtte, amubia kekeɗ ag Hesbon, aab amuam anukka King Sihonnu aab okkai, ag appa ele gona, Moap heppeg nauhkkulag. Moap danab ag ban hak danab, amge kekeɗ ag heppeg, ag nauhkkulag.

Esekiel 16:46

Na apan am Samaria, nug nahipnu yawalti uɗitteppanu aɗekkud ele daappig. Na makkep am Sodom, nug nahipnu yau uɗitteppanu aɗekkud ele daappig.

Esekiel 16:49

Amu Naɗi Yawe Nug tuɗitta atte. “Jerusalem, na makkep Sodom, nug aɗekkud ele, ahilag hipunin am inam. Ag beɗuppa tak ah daan oinna, ag ee ge iitta lanan daanna, ag eheɗ heppignu uug laa ii doon, ag daɗek danab, amu laa ag keekenu tutu mak daappig ele ii ehanadppig.

Esekiel 16:53

Anam, amge haen laa dimppa da heppi, Sodom, nug aɗekkud ele, Samaria, nug aɗekkud ele, ag eɗun, ena daaglag. Da anam hein, da nahipnu ele heppi, na eɗun ena daakkut.

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Namba 21:31

Am Israel ag Amo dilag king Sihon eɗidna, ag Amo danab amu dilag wan aoppig amunu, Israel ag ahilag wan amuppa daappig.

Namba 32:3

“Yawe, danab ah wan imuppa daappig ele amu eɗadkkunignu ig Israel ehanikkom. Aab okkai wan imuppa daappig ele onilkad amu inam; Atarot, Dibon, Jaser, Nimra, Hesbon, Eleale, Sebam, Nebo amu Beon ele. Wan aab okkai amu taliliattak amu makau, sipsip ele ag gikkiɗah lakkulagnu enanag ele. Ig, nahip maɗi nid, ihinkad makau, sipsip am doɗ laala kuɗum ele daattem,

Duteronomi 2:12

Anukkanab, Hor danab ag tatam Seir appa daattappig, amge Esau buɗub, ag danab amu lamadppig. Ag amu hena, hattaeg nauheg, ag wan ahilagppa daappig. Seir danab amu ag, ag Israel ag Kanan hattaeg nauheg, ahilag wanppa daappig bia, danab amu hattaeg nauheg, ag ahilag wanppa daappig. Yawe Nug Kanan wan amu Israel ahilag daakkunu mattom.

Josua 24:8

Amu oh dimppa, da ag diie uɗii, Amo danab Jodan lenu kaɗag uɗitteppanu daappig dilag wanppa uɗieg, danab amu ag ahan, ag ele ban heppig, amge da ag ag eppelagppa mattai, ag Israel ag danab ah amu hatteg nauheg, ag wan amu aoppig.

Ikki Danab 11:26

Amge na amu, maɗ 300 uue, gemu ig Israel nahip wan aomutnu anana, ban haknu attem. Israel ag haen elab ippa daappig. Israel danab ah ag Hesbon aab, aab laa amu guguittak daatteb, aab Aroer, aab laa amu guguittak daatteb, aria aab laala ag Arnon le daug aiɗak, amuppa ele daaeg gotte. Wan amu genab nahip daatte dayeb amu, aɗinu na maɗ 300 uue, eɗun aokkutnu iikku ban hettem?