Namba 21:24 - Nobonob Baibel

²⁴ Amge Sihon nug ban ii eɗittom. Iitta. Israel ag nug, nuhig ban daup ele eɗadna, ag nug qeeg mauhom. Ag nuhig wan, Arnon leppan digma ukka, Jabok batak amu, ag amu oh aoppig. Sihon nuhig wan amu ukka, Amon dilagppa batom, Israel ag wan nuhig amu aakkuib aoppig. Aɗinu? Amon, ag ahilag wan tom amu, ag ɠagattag aɗappig.

Namba 21:24 ပူးပေါင်းရင်းမြစ်များ

Genesis 32:22

Anam dayeye amu, tuqan amuppa Jakop nug wauuɗ, nug wauuɗ amge wauuɗnab iitta, amu nug bekkod 11 ele diiatta, nug Jabok le, le baag qakppa mataɗowa, ⌊eɗua ukka,⌋ nug he, nug baekkudppa laa oh ag le mataɗeg, amu nug he, laa ag keeke nuhig oh ele diin, le mataɗna wappig.

Nehemaia 9:22

Na ehanatte, ag wan laala king gumappig, amu ɗo maɗoɗ laala ele eɗadna aoppig. Ag wan amu ohnab, tom umanab ukkak oh aoppig. Ag King Sihonnu wan, King Ognu wan ele anam aoppig. Sihon nug Hesbon appa king dayeye, Og nug Basan dilag king dayom.

Sam 136:19

⌊Ig Yawe,⌋ Nug Amo dilag king Sihon qe mauhom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Namba 21:13

Amu ag Seret oolnu noak uun, ahan gona amu, ag Arnon le ihippa, appa haen tutu dayaknu aab kalappig. Arnon le am atu taɗakppa dayom. Arnon le am Moap danab, amu Amo danab ele gamalagppa tom dayom amunu, atu taɗak amunu laih am, Amo dilag dayom, laih am Moap dilag dayom.

Duteronomi 1:4

Nai imu amu, nug Amo dilag king Sihon, Basan dilag king Og, ⌊amu ahilti daup ele⌋ aqattowa, nug nai imu mattiom. Sihon nug Hesbon appa dayaya, Amo danab ah gumattette, Og nug Astarot dayaya, Basan danab ah gumattom. Moses nug Edrei appa Og he nauhom.

Duteronomi 29:7

Aria, ig uɗiut, Hesbonnu King Sihon amu Basannu King Og ele, aa ig banenig uɗipiɗ, amge ig aa eɗatmut.

Duteronomi 3:16

Aria, Israel dilag huu okkai Ruben, Israel dilag huu okkai Gad ele amu, da wan laih Gileatnu ukka, Arnonnu oolnu noak gamagppa wana ukkak, amu Jabok leppa wanak, da wan amu ag mattami. Le Arnon, le amuam Amon tomppa daatte.

Duteronomi 31:4

Yawe Nug Sihon, Og ele, aa Amo dilag king amu, Nug aa, amu danab ahilti ele hatte nauhppig bia, Nug danab wan amuppa daatteb amu, Nug heeb nauhkkulag.

Duteronomi 4:46

Ag haen tutu dayaknu aab Betpeor guguittak appa oolnu noakppa kalan daaegeg, haen amuppa nug mattom. Betpeor am Jodan lenu kaɗag uɗitteppanu, appa daatte. Sihon, Amo dilag king, nug Hesbon dayaya, nuhikkud danab ah gumattom, ag appa, nuhig wanppa daappig. Moses, Israel ele ag Isip uun, Kanan gokkulagnu gonana, ag Sihon, nuhikkud danab ele eɗadna, heeg nauheg, appa haen tutu dayaknu aab kalan daaegeg, Moses nug ɗo imu oh ag mattom.

Josua 13:12

Wan amu ohnu amu, amuam Basan dilag king Og, nuhig dayom. Og nug Astarot, Edrei ele dayaya, king dayom. Moses nug appan danab eɗatta aqa, ahilag wan awom. King Og nug am Repaimnu buɗub dimnunab aakku.

Josua 24:8

Amu oh dimppa, da ag diie uɗii, Amo danab Jodan lenu kaɗag uɗitteppanu daappig dilag wanppa uɗieg, danab amu ag ahan, ag ele ban heppig, amge da ag ag eppelagppa mattai, ag Israel ag danab ah amu hatteg nauheg, ag wan amu aoppig.

Josua 9:10

Ig Yawe Nug Hesbonnu King Sihon, amu Basannu King Og, nug Astarot dayom amu, ig Nug ahilahppa aɗi heum amu, ig doomut. King aɗit amu aa Amo dilag king, aa Jodan lenu kaɗag uɗitteppanu daapiɗ.

Ikki Danab 10:11

Ag Yawe anam unuqitteg, Nug nob ma aum. “Da ag ehanatte, ag Isip, Amo, Amon, Pilistia, Saidon, Amalek amu Maon danab ele eppelagppanu eɗue diimi. Haen ag ag eheɗ hatteg, ag dahilnu gaaeg amu, da ag ehanatte, ag eppelagppanu eɗue diimi.

Ikki Danab 11:13

Jepta nug Amon dilag king anam oɗ mette, king nug nai awa ukkak danab Jeptanu amelagppa aum. “Haen Israel ag Isipnu uɗina amu, ag wan dahil laala aoppig. Wan ag aoppig ele amu, nuhig tom am le Arnonnu ukka, le Jabok batak daatte, amu tom amuppanu ukka ukka, Jodan leppa batom. Ag wan amu aoppig amunu, na wan amu maɗoɗ kobolppa eɗun meɗappe, ig ag ele ban ii hemata,” awa amelagppa aum

Ikki Danab 21:8

Am diig amunu ag oɗmak imu heppig. “Haen ig Mispa appa, ig Yawe noobppa qagmeta, ig Benyamin huunu attem haknu maidmut amu, aun laala ag Israel dilag huu okkai attenppanu ii daappig?” Ag oɗmak anam henana hettoɗippig amu, ag auntai laa Jabes Gileatnu laa qagmakppa ii dayom dooppig.