Namba 21:16 - Nobonob Baibel

¹⁶ Anam aakku amu, Israel danab ag Arnon le uuidna, ahan gona, aben onig Ber, appa goppig. Le moɗ amuppa Yawe Nug Moses amegppa aum. “Danab ah diin qagmaadppe, geha da ag le madakkul,” awa aum.

Namba 21:16 ပူးပေါင်းရင်းမြစ်များ

Genesis 21:19

Kayak Nug anam awowa, Nug Hagar ehanitte, Hagar nug le moɗ antta, nug ukka, nippud doɗ gaɗappa hak, amuppa nug le ita, nid le mettom.

Eksodas 17:6

Na gobeppe, da geha men laa Horep guguittak daatte amu, da men amu attan daappi, na da gukkuiɗna doppe, da na noomppa daappi, na dudqak hokkat amuppa men amu oppe, geha men amuppanu le beeb, danab ah ag lakkulag,” awa aum. Aria, Israel dilag ikki danab ag Moses anam he, menppanu le be anidppig.

Aisaia 12:3

Haen laa geha uɗikku, haen amu uɗieb, geha ag Yawe ehanatte, ag padal ii meppig dabmena, gamag ahak aoglag; danab nug le baag diie, baag qaɗaiette, le ena mattia antta laawo gamag ahatte bia, ag gamalag ahakku.

Aisaia 15:8

Amu Moap dilag wan makkulak ohppa ukka tom ohppa batak, amu makkulak amu ohppa danab ah qanannaib daaglag. Ag qanappeppeg, danab ah Eglaim aab okkaippa ag dooglag. Ao, ag qanappeg, Berelim danab ah ag dooglag.

Aisaia 43:20

Da danab ah dahilad, da ag tituanadmi amu, da ag le lakkulagnu atu taɗakppa le hadakkul. Ao, da danab ah dahilad ag le lakkulagnu, da wan meu waknu nakokib elele, appa da le hadappi gokkulag. Da amu hekkul amunu, doɗ dakkuɗ digdig, doɗ jakal, aria hipunai ele, ag le amu lanana, ag dahilnu oolag gamag ahebeb, ag dahilnu, ‘Ena hen mekkame,’ bia dooglag.

Aisaia 49:10

Ag gobeppeg, enug ii aqama; le baalag ele ii diima. Atu taɗaknu aam gakkaɗak ele ii aqama. Aɗinu? Laa ag oo madatte amu, Nug ag ulum madatta, Nug ag le qeppuɗia betteppa omalatta gokku.

Namba 20:8

“Ahan, nahip dudqak hokkat aoppe, na amap Aron ele oh, aa danab ah qagmatteɗ! Aa ag noolagppa na men ⌊umu⌋ amegppa appe, men nug nuhig le ana gokkaɗeb nekku. Ib amuppa amu, na heppe, le, danab, am ahilkad doɗ ele, ag oh lakkulagnu menppanu elele nekku,” awa aum.

Namba 33:46

Ag Dibon Gad uun, ahan gona, Almon Diplataim appa haen tutu dayaknu aab kalan daappig.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Revelesen 21:6

Nug anam awowa, Nug tuɗitta da amelppa aum. “Keeke oh aakku meu beum! Da haen oh daattem; da tatam daami, da hanhan daakkul. Digmakppa, batakppa ele da daattem. Laa ag le baalag diitte amu, da ag le bauklel ele, le amuam qeppuɗia bette, da le amu nob iitta, hamu madakkul.

Revelesen 22:1

Amu dimppa engel nug le laa, le amuam bauklel le, nug le amu ippuniɗom. Le amuam men onig kristal, dubuttid nakok laa iitta, amubia dubuttid nakok laa iitta ele daatte. Le amuam Kayak amu Sipsip Nag ele, ahilah sia kingppanu ba

Revelesen 22:17

Amu Kayak Ouɗi amu Sipsip Nag wau, aa attep. “Na do!” Am aun nug nai amu doya nug, “Na do!” anaɗ! Am laa ele, laa nug le baag diieb, am nug doaɗ! Am laa nug bauklel le lakkunu oo hette ele amu, nug doa, bauklel le lanaɗ! Kayak Nug le amu hamu medatte.

Ikki Danab 9:21

Jotam nug anam awowa, nug awag Abimeleknu baɗa, oola ukka, Ber appa dayom.