Namba 21:13 - Nobonob Baibel

¹³ Amu ag Seret oolnu noak uun, ahan gona amu, ag Arnon le ihippa, appa haen tutu dayaknu aab kalappig. Arnon le am atu taɗakppa dayom. Arnon le am Moap danab, amu Amo danab ele gamalagppa tom dayom amunu, atu taɗak amunu laih am, Amo dilag dayom, laih am Moap dilag dayom.

Namba 21:13 ပူးပေါင်းရင်းမြစ်များ

Aisaia 16:2

Moap ah ag oolna gona, Arnon leppa, le baag qak daattebppa, ag appa daanna, ag geha adeppa gokkulagnu amu, ag ii doomna. Ag ai nug nuhig kekeɗ teɗ nuhigppa daatte doya, eɗua gokkunu elele iitta amunu, oo uug ele hagagaɗa laih ukka, laihnu eɗua uɗitte, ag amubia hekkulag.

Jeremaia 48:20

⌊Amu oɗmak amunu nob am,⌋ kekeɗ ag heegeg, Moap ag nena qena, nauhppig daatteb amunu, ag uɗa nak nau guittak ele dootteb. Ag gaanna huana eig! Ag ahan, Arnon le daugppa kekeɗ ag Moap eɗadna heeg, ag nauhppig eig!

Namba 21:14

Diig amunu buk onig Yawenu Ban, nai yaak amuppa nai inam daatte. “Aab onig Waheb, amu Supa, am appan oolnu noak naunau ele, am appan daatte. Aria, Arnon le,

Namba 22:36

Amu haen Balak nug Balam uɗitte doya, nug aha, aab laa onig Ar, nug appa Balam uɗa tekkunu ukkom. Ar am le Arnon daugppa, Moap wannu tomppa dayom.

Duteronomi 2:13

Aakku Moses tuɗitta aum. “Ig Seretnu oolnu noakppa, Moap dilag tomppa, yau uɗitteppanu waut, amu Yawe Nug ig oolnu noak amu oppat-ta gokkunignu aum amunu, ig anam aakku hemut.

Duteronomi 2:18

‘Gemu amu, ag Ar appa Moap wan uun, tom oppatna wana gona,

Duteronomi 2:24

Amu Yawe Nug tuɗitta aum. “Ahappeg! Gemu ag Arnonnu oolnu noak oppatna ukkeg! Iikkude antteg! Da ag ehanatte heppi, ag Amo dilag king Sihon, Hesbon daatte eɗidppeg, da nuhig wan ag madakkul. Ag banelag gona, nug qekkulagnu ban hena, digmen wan aweg!

Ikki Danab 11:18

Daaeg ukke ukke, ag aakku Edom, Moap ele wan aiɗna wana, atu taɗakppa goppig. Ag Moap tom kaɗag uɗitteppanu daatte amu gona gona, Arnon le laih appa, ag haen tutu dayaknu aab kalappig. Amge ag Aron le mataɗna wana, Moap iinab wappig. Aɗinu? Le Arnon, am Moapnu tom aakku.