Namba 20:22 - Nobonob Baibel

²² Edom dilag king nug ag nuhig wanppa ii wana gomananu heum dimppa amu, Israel danab ah oh ag Kades uun, ahan Hor qaukoppa goppig.

Namba 20:22 ပူးပေါင်းရင်းမြစ်များ

Esekiel 47:19

Amu Israelnu yau uɗitteppanu tom am Tamar appa digmekku. Appa digma ugakka, le laa onig Kades Meriba, appa ukka, digma oolnu noak onig Isip dim lamitta ugakka, Mediterenia yuppa batakku. Amuam Israel dilag tom, yau uɗitteppanu aakku.

Esekiel 48:28

Amu Gad dilag tom, yau uɗitteppanu daatte, ⌊tom amuam Israel oh dilag tom yau uɗitteppanu daatte ele amu,⌋ tom amu inam daatte. Tom amuam Tamar aabppa appa digma ugakka, le onig Kades Meriba appa ukka, appanu am oolnu noak onig Isip digma dim lamitta ukka, Mediterenia yuppa batatte.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Namba 20:1

Amu kalam digmakppa Israel oh ag atu taɗak onig Sin, ag appa wana, ag aab onig Kades guguittak daappig. Ag appa daaegeg, Miriam mauhe, appa amu ag nug boumppig.

Namba 20:14

Amu dimppa amu, Moses nug nai awa ukkak danab Kades appanu maatte, ag Edom dilag king toppa gona appig. “Ig, Israel danab amu, ig na laipad. Ihinigppa uug oh beum amu, na amunu doottem.

Namba 20:16

Heikkegeg, ig amunu Yawe ehanigkkunu unuqittut, Nug doya, engel laa ig ehanikka, wan amuppanu awikka omaigkkunu me ne, nug awikka, omaikka uɗiom. Gemu amu, ig nahip wan tomppa, Kades aab okkai guguittak, haen tutu dayaknu aab kalakppa daattem.

Namba 21:4

Amu Israel danab ah ag Kanan wanppa gokkulagnu, ag ahan, Edom wan aiɗna wana gokkulagnu dayom amunu, ag ahan qauko onig Hor uun, ib Le Kokoɗppa gotte, ib amuppa goppig. Ag ahan ukkaeg ukkaeg, ibppa danab ah ag bahilag yom.

Namba 34:7

Ahilag tom yawalti uɗitteppa amu, Mediterenia yuppanu tutukku ukka, Hor qauko batakku.

Duteronomi 1:46

Amu ig Israel, ig Kades appa haen nakok elab daamut.