Namba 2:34 - Nobonob Baibel

³⁴ Aakku Israel ag keeke oh Yawe Nug Moses anam hekkununab amegppa aum amu, ag heppig. Yawe Nug ag dayak aben ahilag attem hekkulagnu aum, ag ahilag pilak guguittak daaglagnu aum, amu ag anam aakku heppig. Ag aben laih goppig, haen amu ag attemnab gokkulagnu Yawe Nug aum amu, ag anam aakku goppig. Danab ah anen anen ag aab ikki ahilag, amu nug baekkudppa ele anamppa daanna goppig.

Namba 2:34 ပူးပေါင်းရင်းမြစ်များ

Sam 119:6

Da ool ɗo nahip dim lamidkkulnu ɠagattag dayeb, da ele nahip ɗonu dabmein hekkul dayeb amu, da uɗa nak ii aopa.

Eksodas 39:42

Israel ag uɗat oh Yawe Nug Moses amegppa ag hekkulagnu haknunab aum amu, ag anamnab aakku heppig.

Namba 1:19

Ag uɗat amu Yawe Nug anamnab haknu Moses amegppa aum amu, ag anamnab heppig. Ib anamppa Moses nug atu taɗak Sinai appa Israel danab oh ebaqom.

Namba 1:52

Israel dilag huu okkai laa oh ag anen anen, haen tutu dayaknu aab kalak ahilkad abenppa hekkulag. Appa ag ahilkad pilak piɗe piɗe ele daaglag.

Namba 1:54

Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Namba 10:28

Israel danab ah ag huuppa anam aakku daan oidppig. Hanhan ag haen tutu dayaknu aab kalakppanu ahadppig amu, ag anam aakku daanna oidppig.

Namba 2:2

“Israel dilag huu okkai anen anen ag dahil mettid haknu peh lag danab ah appa qagmetteb ele, ag amu taliliattak haen tutu dayaknu aab kalaglag, amge nakok piɗe, guguittak iitta. Danab anen anen oh ag dayak aben ahilkad, ag mamelkad baelkadppan pilak guguittak kalan daaglag,” awa aum. ⌊Yawe Nug Moses, Aron ele amelahppa anam a dooya, aa Israel amelagppa inam apiɗ.⌋

Namba 2:33

Amge Yawe Nug Moses amegppa Lewi buɗub ebaqaaqa, ahilag ebqak laappa ii tuɗidmanu haknunab aum amunu Moses, ikki danab ele ag, ag ebaqadna Israel danab ah laala oh ele, ahilag ebqak amuppa ii tuɗidppig.

Namba 23:21

Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Namba 24:2

Haen Nug neekke ukke, Israel ag ahilag huu okkai anen anenppa haen tutu dayaknu aab kaladna daaegeg anattette amu, Kayak Ouɗi nuhigppa uɗiom.

Namba 3:1

Yawe Nug Moses ele qauko Sinai appa nai madipiɗ amu, haen amuppa Moses, Aron ele, aa buɗultinu nai inam iikku dayom.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.