Namba 18:20 - Nobonob Baibel

²⁰ Yawe Nug Aron amegppa anam awowa, Nug tuɗitta aum. “Israel laa ag wan da ag madattem, ag appa ag aulag daakkunu wan laa aoglag, amge ag Lewi buɗub amu, ag wan amuppa wan laa, ag aulag daakkunu ii aomna. Israel laa, ag wan ag aulag daakkunu aoglag, amge ag Lewi buɗub, ag wan laa amubia ag oolagppa ii aomna. Iitta. Da, Yawe, da ahilagnu anambia daakkul.

Namba 18:20 ပူးပေါင်းရင်းမြစ်များ

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Sam 142:5

O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Gayak Nai 3:24

Da dakka, da nai mattieye, da attem. “Keeke ena oh da eppelppa daakkunu elele amu, Yawe nukka keeke amu oh abenlag awa dayeye, Nug da ele daattep amunu, da ena, elele daattem! Nug anam daatte amunu, da Nug ehaniɗkkunu ameg mekkul,” awe attem.

Esekiel 44:28

Amu Naɗi Yawe Nug atte. “Da Yawe, da dakka am mana mettak danab ehanittak amunu, na ag Israel wan ooppa wan aulag daakkunu aib mattame. Da ag aulag daakkul.

Namba 18:7

Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Namba 26:62

Amu Lewi nid danab, okkai mak ahilag kalam laippu awom, o iitta amu eɗittak ele, ebqak ahilag am 23,000. Ag ebaqappig am Israel laala ele dilag ebqak ele oh ii ebaqappig. Lewi buɗub ag am wan laa, ag aulag daakkunu ii mattak amunu, ag am Israel laa oh ele ouaqa ii ebaqak.

Duteronomi 10:9

Diig amunu Israel dilag huu okkai oolagppa, Lewi buɗub ag wan laa ag aulag daakkunu ii mattak. Yawe, ahilag Kayak, Nug anam haknu aum bia, Nug nukka am ag aulag bia daatte.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Duteronomi 14:27

Ag amu henana, ag Lewi buɗubppan mana mettak danab iitta, amu dilagnu amu, ag aib ahilagnu daulag atiom. Aɗinu? Ag am ahilag wan laa, ag aulag daakkunu ii mattak.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

Josua 13:14

Israel dilag huu okkai laa oh ag wan awak ele, amge Moses nug Israel dilag huu okkai Lewi, nug ag wan laa, ag aulag daakkunu, ii mattom. Aɗinu? Ag ahilag uɗat am, ag qaɗabppa, aab aɗunu ofa henana, doɗ manadna, Yawe, Israel dilag Kayak, ag Nug mettaglag amunu, mana mettak amu kuɗumppanu ag maha aoglag. Ag aoglag, amu amunu teppu keeke, amuppanu awak, Yawe Nug ag amu aoglagnu nai ana qakkom, aakku keeke amu oh am ag aulag.

Josua 13:33

Nug wan amu Israel dilag huu okkai laala, ag aulag daakkunu ag mattom, amge nug Israel dilag huu okkai Lewi wan laa, ag aulag daakkunu ii mattom. Nug ag wan laa ii mattomnu diig am, Yawe, Israel dilag Kayak, Nug ag nuhig uɗat hekkulagnu, amuppa ag ee keeke, ag aulag aakku, ag amu aoglagnu nai ana qakkom.

Josua 14:3

Josua aɗi ag Israel dilag huu okkai eblaih waɗele, amu Israel dilag huu okkai mahaib laa aakkuib wan amu mattomnu diig am haen matu, Moses nug Israel dilag huu okkai aɗit laa, amu Israel dilag huu okkai mahaib laa ele, ag wan Jodan le laih kaɗag uɗitteppanu, ag aulag daakkunu amu mattom, amge nug Lewi buɗub amu, nug ag wan laa, ag aulag daakkunu ii mattom.

Josua 18:7

Wan maha eblaih aɗit ele aakkuib daaglag. Aɗinu? Lewi buɗub ag geha ag oolagppa wan laa ii aomna. Aɗinu? Ag am Yawenu uɗat henana, amuppanu teppu keeke aon, amu ahilag uɗatppa keeke laala ele aoglag; amu keeke amuam ag aulag daakku. Israel dilag huu okkai laa Gad, Ruben, amu Israel dilag huu okkai Manase mahaib laa, ag matu wan, ag aulag daakkunu aoppig. Moses, Yawenu maɗi nid, nug Jodan le laih kaɗag uɗitteppanu, appa nug wan amu ag mattom,” awa aum.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.