Namba 18:19 - Nobonob Baibel

¹⁹ Gemu digma ukkak, Israel ag mana mettak hena, ag amu aon, da, Yawe, ag da meɗatteb, mana mettak amu ag dahilnu tituanak daatteb ele amu, geha laih ahilag daakkunu ami ele amu, laih amuam da ag, ag bekkalkad, amu ag aɗelkad ele, ahilag hanhan daakkunu madattem. Nai imuam dahil nug tituana nai qakkak tuqa awak laa iitta ele, amu ag, ag buɗulkad ele, ahilagppa daakku, am iitta ii mema,” awa aum.

Namba 18:19 ပူးပေါင်းရင်းမြစ်များ

2 King 12:16

Men doɗo laa, amuam danab ah ag eheɗ haknu ofa, ib etta hipunin haknu ofa elenu men doɗo amu, ag men doɗo amu Yawenu mettid lagnu dayom, amuppa ii meppig. Iitta. Men doɗo amu ag aon uɗin, mana mettak danab ahilagib daakkunu madappig.

2 Stori 13:5

Ag Yawe, Israel dilag Kayak, Nug Dawit, amu nug buɗub ele ag hanhan Israel dilag king daaglagnu Nug ha, Nug ag ele ag nug tituana nai qakkak tuqa awak laa iitta ele heppig amu, ag amu iite dootteb?

2 Stori 31:4

Hesekaia nug Lewi buɗubppan mana mettak danab, Lewi buɗubppan mana mettak danab iitta, ag ele, nug ⌊ag laih wana, men doɗo awaknu uɗat laa hekkulagnu duttunak ii doomnanu⌋, ag Yawenu ɗo pehettak doon dim lamidkkulagnu elele daaglagnu, nug Jerusalem danab ah, ag aɗi keeke mana mettak danab, aɗi keeke Lewi buɗubppan mana mettak danab iitta, ag ag ele mattaglagnu daappig amu, ag aon uɗin mattaglagnunab aum.

Eksodas 29:27

Amu dimppa, haen oh Israel ag laippu dayaknu ofa hekkulag amu, ag haen oh doɗ amunu teppu maha aɗit, amuam sipsip momo, baeg naɗiapnu tuɗi ele, ag Aron, nug bekkod ele mattaglagnu, na teppu amu dahil daakkunu tituanna meɗe! Aɗinu? Na ag mana mettak danab daaglagnu baɗ awaknu sipsip dawai manan, da meɗame amu, na sipsip amunu momo, baeg naɗiapnu tuɗi ele human meɗame, amubia Israel ag momo, baeg naɗiapnu tuɗi ele aon, ag da meɗaglagnu amu, ag Aron, bekkod ele, teppu amu madappeg, teppu amuam Aron, bekkod ele, dilag dayaɗ! Hanhan anamib daakku.

Esekiel 43:24

Na manatna, da Yawe, da meɗakkut. Mana mettak danab ag yu kalu doɗ beɗulahppa tauɗppeg ukkeb, manaknu ofa daakkunu main, da meɗaglag.

Lewitikas 2:13

Am ee aegnu ofa amu, ag yu kalu ele maneg! Amuam Kayak Nug he, Nug ag ele nug tituanna nai qagappig amu, ag nai amu ag daulagppa dokkunu anam hekkulag. Ag aibnab yu kalu ee aegnu ofa hetteb, amuppa mekkulagnu daulag atiom.

Lewitikas 21:22

Nug amu ii hema me, nug Kayaknu mana mettak hak, laa Kayaknu tituanak daatteb, laa Kayaknu, tituanaknab daatteb amu, nug amu lakku.

Lewitikas 7:14

Nug bret diig anen anen laib laib amu awa dokkuoitte. Nug akka ukka, Yawe, nuhig daakkunu hamu metteb amu, amuam geha mana mettak danab nug Yawe amegppa, ‘Ena heme,’ anaknu, Nug ele laippu dayaknu ofa amu haaha, doɗ mana Yawe medatte, nug doɗ amu tiig awa, qaɗab tauɗ qedatte ele amu, bret amuam nug, nuhig daakkuoitte.

Namba 18:11

Amu ee keeke, amuppa Israel danab ah ag huma epponitta mettaknu ofa hekkulag, laih ag ii manan meɗaglag amu, amu ele ahilag. Da na, amu na begapad, amu na aɗenad ele, ag hanhan aoglagnu, ahilag daakkunu madattem. Aun aɗi ag na lautppanu, ag da ele ouqak daagnignu elele amu, ag lakkulagnu ele.

Namba 18:8

Yawe Nug Aron amegppa anam awowa, Nug tuɗitta aum. “Da, Yawe, da dakka, da na, na begapad ele ag mana mettak atten Israel ag da meɗaglagnu hetteb ele amu, ag eppelagppanu aoglagnu, ag manan meɗaglagnu ele tituanadmi. Mana mettak amuam dahilnu tituanak daatteb. Amu mana mettak amunu doɗ, o ee aeg keeke, Israel ag da meɗappeg, laih atten ag ii manan meɗaglag daatte amu, da na, amu na begapad ele madattem. Maha amuam ahilag daatte, ag amu hanhan aoglag.

Namba 31:29

Takis bia daden mak amu daup dilagppanu aona amu, mana mettak danab Eleasar mettaglag. Amuam da, Yawe, dahilnu laih aakku.

Namba 31:41

Moses nug mana mettak danab Eleasar keeke imu takis daden mak bia Yawenu daakkunu otia mettom. Amuam Yawe Nug Moses amegppa anam hekkununab aum bia heum.

Duteronomi 12:26

Yawe Nug aben tituana ab, ag amuppa ag keeke Kayaknu tituanna medappig, ag ahilag nai genab ana qakkaknu ofa ele, ag amu oh aon, appa wakkulag.

Duteronomi 12:6

Am Yawe Nug aben laa ag Nug noobppa dup nona binag mekkulagnu ippuanatteb amu, ag manaknu ofa, mana mettak laala, keeke obatak eblaih tanig ele ooppanu obatak laippu Kayak mettak, keeke Kayak hamu ɗo mettak, nai genab ana qakkaknu ofa, amu laippu dayaknu ofa, makau, amu sipsip ele nalkad ⌊dawai⌋ tatamnu ele oh, ag aben amuppa Yawenu akkan wakkulag.