Namba 16:9 - Nobonob Baibel

⁹ Israel dilag Kayak Nug ag Israel laa oh oolagppanu tituanatte, ag nuhikkud, piɗe laa daatteb. Nug ag diia he, ag Nug Yawe, nuhig peh laugppa uɗat hekkulagnu Nug guguittak daatteb. Ag am Israel laa oh noolagppa daanna, Kayaknu ehanittak mattaglagnu, ag Nug guguittak daatteb. Anam amu, amuam ahilagnu elele iittate?

Namba 16:9 ပူးပေါင်းရင်းမြစ်များ

Genesis 30:15

Rahel anam a amu, Lea nug oɗeppa awa aum. “Na danab dahil yab aome amu, na amunu keeke hamute anana, na da bekkal keeke awom ele imu aokkutnu attem?” awa aum. Nug anam a, Rahel nug aum. “Na keeke nid nahip awom ele meɗakkut amu, na Jakop ele tuqan imuppa niiglah,” awa aum.

2 Samuel 7:19

Anam amge, O Naɗi Yawe, na amuib ehaniɗna hekkutnu ii dabmettem. Iitta. Na heppe, da, da nahip maɗi nid amu, da buɗulad oolagppanu laala, ag ahilag haen anen anenppa, ag Israel dilag king hanhan bena daaglagnu ele ame. O Naɗi Yawe, na kobol enanag inam haen oh danab dilagppa hettemte?

2 Stori 35:3

Nug Lewi buɗubppan mana mettak danab iitta, ag Yawenu tituana mettak daan, Israel danab ah ippunittak madappig amu, nug ag amelagppa aum. “Yawenu Tituanak Nainu Kunup, nuhignu tituanak daatte amu, ag amu Yawenu mettid lag, Dawit bekka, Israel dilag King Solomon buuom, am appa meppig daatte. Gemu ag kunup amu ag gukkalkadppa ii maon oitteb. Anam amunu, ag Nug laugppa daana, ag Yawe, ahilag Kayak, ag Nug waappa daan, Nug oɗe dim lamidna, ag nuhikkud danab ah ele dabmattan, ehanatteg!

Nehemaia 12:44

Haen amuppa amu, laa ag danab laala ee bakkalenu maknu oo gumadkkulagnu tituanadppig. Ag danab ah men doɗo, ee tatam oɗuak, obatak eblaih tanig ele ooppanu obatak laippu ele, ag amu aon uɗin, Kayak medappeg, oo amuppa maadkkulag amu, danab amu ag keeke amu oh gumappig. Kayak Nug Moses ɗo mettom bia danab amu ag danab ah dad ahilkad aab taliliadna daappigppanu ee keeke aon uɗin, Kayak mettaglagnu ag eppelagppa maadppeg, oo amuppa meppeg dayeb, Lewi buɗubppan mana mettak danab, Lewi buɗubppan mana mettak danab iitta ele, ag amuppa ahilkad ee keeke aoglagnu daappig. Ɗo anam ippunattom, amu Juda danab ah oh ag mana mettak danab ag Kayaknu ehanittak ag madappig, Lewi buɗubppan mana mettak danab iitta, ag amu dilag uɗatnu ele oolagppa ena dooppig amunu, ag danab amu uɗat amu gumaglagnu tituanattom.

Aisaia 7:13

Anam a amu ⌊Aisaia⌋ nug aum. “King Dawit buɗub ag, ag gemu tutukku doyeg! Ag kobol ahilag amunu amu, danab ah ag ahilagnu bahilag yaatte amunu, gemu ag heppeg, dahil Kayak Nug ele ahilagnu bahi yaakkute?

Esekiel 34:18

⌊Da anam hewoya, da sipsip ɠagattag, meeme ɠagattag nau hetteb ele amelagppa akkul.⌋ Ag gikkiɗah ena latteb amu, amuam ahilagnu elele iittate? Ag gikkiɗah amu lawona, gikkiɗah ii lanak ele baelagppa tappaeg nauhe, laa ag gikkiɗah nauhak amuib lakkulagnu daatteb; ag anam hetteb am enate? Ag le ena latteb amu, amuam ahilagnu elele iittate? Ag le amu lawona, le amu tappan oinna heegeg, le dubuttid ele daatte, laa ag le nauhak amuib lakkulagnu daatteb amu; ag kobol amu hetteb am enate?

Esekiel 44:16

Amu Naɗi Yawe Nug inam atte. “Ag akka dahil mettid lag ooppa nokkulag. Ag akka dahil qaɗab gumidna wana, da noolppa daanna, dahil ɗo maɗoɗnu uɗat hekkulag. Ag da aɗi aɗi hekkulagnu ami amu, ag amu hekkulag.

Namba 1:53

Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.

Namba 16:13

Na ig atu taɗak imuppa mauhkkunignu he, ig wan enanag, wan ittag ele, amuppa ee meu huana otte ele amu, ig wan amu uut uɗimut. Amuppa na kobol eheɗ elele iite heme? Na amu heme, gemu amu, na ig ihinig okkai daan, ig aɗi aɗi hekkunignu duttunigkkutnu ele hettem. Amuam eheɗ.

Namba 16:8

Moses nug anam awowa, nug tuɗitta, imu ele Kora amegppa aum. “Aria, ag Lewi buɗubppan mana mettak danab iitta ag doyeg!

Namba 3:6

“Na Israel dilag huu okkai Lewi, na ag diin, mana mettak danab Aron gumidna dona, ag aguppa maadppe daappeg, na ag nuhig ehanittak daaglagnu tituanadkkut.

Namba 3:9

Na Lewi buɗubppan mana mettak danab iitta ag Aron, nug bekkod ele ehanadkkulagnu tituanatte! Israel oolagppanu Lewi buɗubppan mana mettak danab iitta ag Aron ehanidkkulagnu tituanak daatteb.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

1 Korint 4:3

Danab laala ag da epeɗilkkulag dayeb, da amunu aɗi atteb amu, da amunu dabmak okkai ii aottem. Genab, da dakka da ele epeɗilkkul dayeb, amunu aɗi dabmak aottem amu, da amunu am genabnab dab-ii-mettem.

Duteronomi 10:8

Haen amuppa Yawe Nug Israel dilag huu okkai Lewi, ag Yawenu Tituanak Nainu Kunup kontrak inak ele maoglagnu otiattom. Nug ag nuhig ɗo maɗoɗnu uɗat Nug noobppa hekkulagnu, amu Nug onigppa danab ah itadkkulagnu ele otiattom. Uɗat amuam ahilag, ina hetteb.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.