Namba 16:5 - Nobonob Baibel

⁵ Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Namba 16:5 ပူးပေါင်းရင်းမြစ်များ

Sam 105:26

Nug nuhig maɗi nid Moses me, Paro toppa teum. Ao, Nug Aron, Nug nug tituanom amu, Nug nug ele me teum.

Sam 115:10

O Aron buɗub, ag Yawenu oolagppa genab doyeg! Nug am ahilag ehanittak, ahilag guppiɗ ele daatte.

Sam 65:4

Danab ah ag nahip daaglagnu na tituanadna, diin uɗie, ag nahip mettid lagnu haɗap-ppa, na guguittak daatteb amu, ag itittak ena aoppig daatteb. Na heppe, ig aun aɗi anam na laut, amuam nahip mettid lag nahipnu tituanak daatte amu, ig amu guguittak haɗap-ppa daattem, ig lag amuppanu itittak ena ena aognignu na oɗ medattem.

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Eksodas 28:41

Amu Moses na lamen amu na awan Aron, amu nug bekkod ele, na ag bala amu aɗuadppe noppeg, na ag mana mettak danab daaglagnu goɗen gokkaɗakppa tituanadna, baɗ mattan, ag dahil mana mettak danab daan, uɗat hekkulagnu, na ag dahilnu tituanna meɗe!

Eksodas 28:43

geha haen Aron nug bekkod ele ag dahil mettid haknu peh lag danab ah appa qagmetteb ele, ag amu ooppa nokkulag, o ag dahil qaɗab gukkuidna, lag Oo Gun Eleppa dahil ɗo maɗoɗnu uɗat hekkulagnu gokkulag amu, ag beɗulagppa aab iitta daaglagnu, da heppi mauhmananu amu, ag trosis ahilag, amu lamen laa oh waappa meig! Ɗo amuam hanhan anam dayebeb, Aron buɗub ele ag anamib heig!” awa aum.

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

Jeremaia 49:19

Yawe atte. “Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Edom danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Edom gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Jeremaia 50:44

Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Babilon danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Babilon gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Esekiel 40:46

Amu lag laa, noob am yawalti uɗitteppanu, appa daatte amu, lag amuam mana mettak danab ag qaɗabppa daanna, uɗat hetteb ele, amu dilag. Danab ag uɗat amu hetteb ele, ag am Sadok buɗub. Lewi buɗub ooppa, agib Yawe noobppanab dona, nuhig uɗat hekkulagnu elele. Laa oh am iitta,” awa aum.

Esekiel 43:19

Lewi buɗub Sadok, nug buɗub, ag mana mettak danab, ag Lewi buɗub, ag dahil ɗo maɗoɗnu uɗat hekkulagnu da noolppa uɗitteb amunu, na ag ib etta hipunin haknu ofa hekkulagnu, na ag makau gaiɗ laippu matte!” Naɗi Yawe Nug anam aakku aum.

Esekiel 45:4

Aben nakok okkai, aben amuam dahilnu tituanak dayebeb, mana mettak danab ag mettid lag dahilppa dahil ɗo maɗoɗnu uɗat hetteb, ag da Yawe, da noolppa gumiɗna uɗina, dahil ɗo maɗoɗnu uɗat hetteb amu, wan amuam ag daaglagnu aben. Ag aguppa laulkad hekkulag, dahil mettid lag ele aben amuppa, aben amuam dahilnu tituanak daakku amu, am amuppa daakku.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Lewitikas 8:2

“Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

Namba 16:6

Kora, na laipad ele, ag am inam hekkulag; butti buttua ag bras tappiɗ, mana mettak danab ag amuppa uɗat hetteb ele, ag anen anen amu aon, ag Yawe noobppa aab, amu kalu danab ile muttuɗig enanag bette ele aguppa mekkulag. Auntai laa Yawe Nug danab amu tituankku amu, danab amu nug Yawenu tituanak daatte. Ag Lewi buɗubppan mana mettak danab iitta ag ena haknu tom tippalna, eheɗ hetteb!” awa aum.

Namba 17:5

Na anam maadppe daappeg, danab laa da nug mana mettak danab daakkunu tituanmi ele amu, nuhig dudqak hokkat amu qaɗu bekku. Ib amuppa da heppi, Israel danab ag nahipnu naittuɗ heegeg da doottem ele amu uuglag,” awa aum.

Namba 17:8

Nug appa qagmaatte daaegeg, wagɗe deɗ amuppa Moses nug peh lag men maha aɗit ɗo nai yaak niitte ele appa daattep, nug amuppa noum. Nug amuppa noa amu, nug Aronnu hokkat am qaɗu bak aakkuib ii anttom. Iitta! Qaɗu bena, haɗag qena, haɗag mappateg, hokkat am meu almon oeg anttom. Aronnu hokkat am Lewi buɗubppanu dayom.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Aposel 1:24

Ag danab aɗit otiatona, ag inam unuqidppig. “Naɗi, na danab oh oolag diig doottem amunu, danab aɗit imu oolahppan na aun nug Judas abenabppa ba, totol uɗat imu aokkunu tituanme amu, na ig ippunigkkutnu oɗ medattem. Judas nug nuhig abenppa gokkunu uɗat amu uuom,” unuqidna anam appig.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Aposel 22:14

Nug anam a da ena neekki, nug da amelppa aum. ‘Ig mamelkad aɗi dilag Kayak, Nug na nuhig dabmaknab awak dookkutnu, na nuhig Genab Tutukku Hak Danab anidkkutnu, nuhig nai ele na dautppa dookkutnu tituanittom.

Epesus 2:13

Amge gemu ag Kristus Jesusnu daatteb. Ag tatam uma daappig, amge Kayak Nug Kristus tiigppa ag omalatte, Nug gumidna uɗippig.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Revelesen 1:6

Nug ig Nug Mameg, nuhig Kayak ele, ig nuhig ɗo maɗoɗppan mana mettak danab meikkom amu, binag amahlak oppiaawak ele, ɠagattag oh ele nuhigppa hanhan alet ele dayaɗ! Genab.

1 Samuel 2:28

Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.