Namba 16:42 - Nobonob Baibel

⁴² Amge haen Israel danab ah ag Moses, Aron ele amelahppa nai hekkulagnu qagmeppig amu, ag mettid haknu peh lag danab ah appa qagmetteb ele, ag amuppa neekkeg ukke, lombig tone, Yawe binag amahlak oppiaawak ele tula neum anidppig.

Namba 16:42 ပူးပေါင်းရင်းမြစ်များ

Eksodas 16:10

Moses nug Aron amegppa anam a, aakku Aron nug Israel oh amelagppa nai mattieye, haen amuppa ag neekkeg, atu taɗakppa ugekke, ag Yawenu binag amahlak oppiaawak ele lombigppa be anidppig.

Eksodas 24:16

Amu Yawenu binag amahlak oppiaawak ele qauko Sinaippa ne, Israel ag Yawenu binag amahlak oppiaawak ele amu aab ewak okkainab, keeke ewe iitta mette bia anidppig. Am lombig nug deɗ eblaih laippu ele anam qauko amu tona daye, aria deɗ eblaih aɗitppa, Yawe Nug lombig ooppa dayaya, Nug Moses ⌊nuhigppa tekkunu⌋ onigppa eum.

Lewitikas 9:23

Aron anam he, Moses nug Aron ele aa mettid haknu peh lag danab ah appa qagmetteb ele, aa lag amu ooppa nopiɗ, amu haen aa eɗuya dimittim beya, danab ah itatteh, amu Yawenu binag amahlak oppiaawak ele am, danab ah oh dilagppa miag atiom.

Namba 14:10

Josua, Kalep ele aa anam apiɗ, amge Israel danab ah laa oh ag Moses, Aron ele menppa makkuɗatkkulagnu madippig. Mattiegeg amu, Yawenu binag amahlak oppiaawak ele mettid haknu peh lag danab ah appa qagmetteb ele, amuppa tuale, Israel danab ah oh ag anidppig.

Namba 16:19

Amu Kora nug heehe, Israel danab ah oh ag Moses, Aron ele dimatan, ahilah nai ele tappaeg neum amu, nug he, danab ah ag mettid haknu peh lag danab ah appa qagmetteb ele, ag lag amu odppa daaegeg, Yawenu binag amahlak oppiaawak ele Israel danab ah oh noolagppa ne anidppig.

Namba 16:43

Anam daye, Moses, Aron ele aa mettid haknu peh lag danab ah appa qagmetteb ele, aa lag amu odppa waeh,

Namba 20:2

Ag haen tutu dayaknu aab kalan daappigppa amu, appa le lanaknu laa ii dayeye amunu, danab ah ag qagmena daanna, ag Moses, Aron ele amelahppa naittuɗ meppig.

Namba 20:6

Aon aeg amu, Moses, Aron ele aa ahaya, danab ah uuadya, mettid haknu peh lag danab ah appa qagmetteb ele, aa lag amu odppa noya, aa laippun gatelah qaun oya, gomelya, aa iɗulah wanppa meya daaeheh, Yawenu binag amahlak oppiaawak ele aa noolahppa tulom.