Namba 16:38 - Nobonob Baibel

³⁸ Bras tappiɗ amu, danab ag hipunin qeppig ele, ag aɗappig. Ag hipunin qeppig amunu, mauhppig. Bras tappiɗ amu danab mauhppig ele, ag amuppa mana mettak hena, ag aon, da, Yawe, da gumiɗna uɗina, da meɗappig amunu, tappiɗ amu ag dahilnu tituanak daatteb amunu, na heppe, hamappa oadppeg, otalna, teppu iitta beppeg, ag qaɗab dahil qaɗeppa maatteg! Na anam heppe, amuam Israel danab ah dilag at dayebeb anidna, ag hipunin hemananu dabmekkulag,” awa aum.

Namba 16:38 ပူးပေါင်းရင်းမြစ်များ

1 King 2:23

King Solomon nug nai amu nug anig amegppa ana, nug nai tuɗitta, Yawe onigppa nuhig nai ɠagattag qetta, nug inam mattiom. “Adonaiya nug nai imu mattiom amu, nug eheɗ heum amunu, da nug qeppi mauhkku. Amu da nug ii qeppi mauhkku amu, Kayak Nug bu okkainab meɗakkunu ool daatte!

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Prowerb 20:2

Kingnu oppoɗi bak amu laion baunu gayak bia; aun nug kingnu oo nauhak heeb bekku amu, nug mauhkku.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Jeremaia 44:7

Yawe Nukka Ɠagattag Oh Ele, Israel dilag Kayak, Nug anam anana, Nug imu ele atte. ‘Tatam anam beum amunu, aɗinu ag gemu tuɗidna eheɗ hebeppeg, uug naunab nau laa ahilagppa bekkunu hetteb. Ag hetteb amu, ag amu tuɗidnaib hekkulag dayeb, uug naunab nau ahilagppa beeb, Juda danab, Juda ah, Juda nid naunau, Juda nid yuɗ ele oh ⌊Isip uɗin daatteb⌋ ag mauhkkulag. Oh mauhppeg, ⌊ippa⌋ Juda buɗub oɗo yaak laa ii daama.

Esekiel 14:8

Da danab amu, da nuhig hak amunu eheɗ doyeye, ool ii metten ⌊heppi nauheb⌋, nuhigppa beum am laa dilag antte oo maittaknu keeke dayebeb, laa ag nug am nau bekkunu at daatte dabmekkulag. Da heppi, nug Israel oolagppanu geɗittak daakku. Da anam heppi amu, ag laa ag dooglag, da am Yawe.

Habakuk 2:10

Na danab ah kuɗumnab hadappe nauhkkulagnu maittak aome. Ao, na amu hena, na tiinad laippu uɗa nak mattan, na nakka hena, na mauhkkut.

Namba 16:37

“Na mana mettak danab Aron bekka Eleasar appe, nug danab ag aab ewatte mauhppig ele dilag bras tappiɗ amu daattebppanu, aben amuam gakkaɗak daatte amu, nug aben amuppanu diia, nug aab ottag, kalu eotte ele awa ukka, laih nakok uma, appa gokkaɗatteb ukkaɗ! Anam hekkunu diig am, ag bras tappiɗ amuppa ag kalu danab ile muttuɗig enanag bette ele manan, da meɗappig amunu, bras tappiɗ amuam dahilnu tituanak daatteb.

Namba 16:39

Yawe Nug anam aum amunu, Moses nug a, mana mettak danab Eleasar nug danab mauhppig ele dilag bras tappiɗ akka he, ag qaɗab qaɗeppa qata-aqadkkulagnu hamappa qeegeg, teppu iitta otalattom.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

Namba 17:10

Anam heeg, Yawe Moses amegppa aum. “Na Aronnu dudqak hokkat amu eɗun, Tituanak Nainu Kunup kontrak inak ele noobppa me! Na appa meppe, at aakku dayebeb, da aɗi nai attemnu, danab, ag nai tappe nak danab amu, ag dahilnu naittuɗ ii memananu dabmekkulag. Ag at amu dabmena ag dahilnu naittuɗ ii hena, ag ii mauhmana,” awa aum.

Namba 26:10

Wan oɗe obata, ag, am Koranu laa ele toppuatta ukkom. Danab laala Kora dim lamidppig ele, 250 ag bau daappig amu, aab ewatte mauhppig. Danab mauhppig amu, ag Israel laala, ag heppig bia hemananu, at daappig.

1 Korint 10:11

Keeke imu oh amu ig anidpput oo maittak kobol daaglagnu beppig. Kayaknu yaak ooppa kaya amu yaaladppig daatteb amu, ig danab gogtak haen imuppan, ig anidtata, nau aomtanu dabmak aota oignignu ippunigtte

2 Pita 2:6

Amu Kayak Nug he, aab okkai aɗit, Sodom Gomora ele, aa iite padal mepiɗ? Yo, Nug he, aab naɗi ewatom. Kobol amu danab laa oh ag aab okkai aɗit nauhpiɗ, amu dilah haen dimppa daanna, Kayaknu nuhig haknu ele uuak danab oiglag amu, ag Sodom Gomora danab padal mak aoppig anam aakku ahilagppa uɗikku, ag amu anidna dabmekkulagnu heum.