Namba 16:35 - Nobonob Baibel

³⁵ Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 16:35 ပူးပေါင်းရင်းမြစ်များ

Sam 106:18

Anam amu, aa lailti laa aab ewatta hatte nauhppig. Ao, aab dittiak am nau hak danab amu ewattom.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Esekiel 8:11

Keeke nau dottolkad anam daaeg, Israel dilag ikki danab 70 ag appa hippaidna, keeke nau dottolkad noolagppa daappig. Sapan bekka Jasania nug ag oolagppa ele dayom. Am danab 70 amu ag anam daanna, ag anen anen kalu danab ile muttuɗig enanag bette ele manaknu tappiɗ eppelagppa aɗan, kayak hambuppuak digdig binag mekkulagnu kalu danab ile muttuɗig enanag bette ele amoteg ewewe, muttuɗig enanag aakku teum.

Lewitikas 10:2

Aa anam hepiɗ amunu, aab aɗu Yawe toppan na, aa ewate, aa Yawe noobppa mauhpiɗ.

Namba 14:37

oɗe nau danab kuɗum aqe mauhtteb ele, oɗe amu ag aqe, ag Yawe noobppa mauhppig.

Namba 16:17

Danab anen anen ag bras tappiɗ, mana mettak danab ag amuppa uɗat hetteb amu, ag tappiɗ ahilkad aon, kalu danab ile muttuɗig enanag bette ele amuppa maadkkulag. Geha bras tappiɗ 250, na laipad ag amuppa uɗat hekkulagnu daaglag. Ag maadna aɗualadna, ag aon, Yawe gumidna wana, Nug mettaglag. Aria, na, Aron ele, aa ele anam hekkulah.” Moses nug Kora amegppa anam aum.

Namba 16:2

Ag Moses abenabppanu lamidkkulagnu hena, nuhig nai tappaeg ne heegeg, Israel danab 250 laa, Israel ag, ag ikki danab daaglagnu otiadppig ele amu, ag ahan, danab waɗele amu dim lamadna ehanadppig.

Namba 16:34

Haen ag wan ooppa nonana amu, ag gayak nau heegeg, Israel danab ah laa oh daappig amu, ag oolppig. Aɗinu? Ag oolna gonan, ag enan appig. “Wan obata, oɗe metteb, ig ele nomata!” aon eppig.

Namba 16:36

Amu Yawe Nug Moses amegppa aum.

Namba 16:49

Oɗe danab kuɗum aqe mauhtteb ele amu malom, amge ii malom haenppa amu 14,700 danab ah ag oɗe amuppa mauhppig. Danab ag Kora, nuhig hak nau amuppa mauhppig ele, ag amu ebqak amuppa ii daatteb.

Namba 26:10

Wan oɗe obata, ag, am Koranu laa ele toppuatta ukkom. Danab laala Kora dim lamidppig ele, 250 ag bau daappig amu, aab ewatte mauhppig. Danab mauhppig amu, ag Israel laala, ag heppig bia hemananu, at daappig.

Namba 3:4

Amge haen ag Sinai atu taɗakppa daanna amu, Nadap nug Abihu ele aa aab, Yawe Nug aa amuppa ii ilaglahnu aum ele mana mettak laa ileh, Yawe Nug he, aa Nug noobppa mauhpiɗ. Nadap nug Abihu ele aa bekkalti laa iitta amunu, haen mamelag Aron nug bau dayeye, Eleasar, Itamar ele, aa aakkuib mana mettak uɗat hedapiɗ.

Revelesen 11:5

Laala ag aa eheɗ haatkkulagnu heppeg amu, aab aɗu oɗelahppanu doa, ahilah kekeɗ amu ewatteb mauhkkulag. Ao, genab, danab nug eheɗ hatakkunu heeb amu, nug ib anamppa mauhkkuoitte.