Namba 16:29 - Nobonob Baibel

²⁹ Am danab imu aa danab laa oh bia kaino mena mauhtteb, ag amubia kaino mena mauhkkulag dayeb amu, amuam Yawe Nug da ii meiɗe uɗimi ippunigkku.

Namba 16:29 ပူးပေါင်းရင်းမြစ်များ

1 King 18:36

Amu tueb me, mana mettak haknu haenppa, propet Elaiya nug qaɗab guguitta wana, nug unuqitta, nug inam aum. “O Yawe, na am Abraham, Aisak, amu Israel ele dilag Kayak, na gemu deɗ imuppa na nakkaib Israel ippa Kayak daattem amu, na danab ah imu ippunadkkutnu, da na oɗ medattem. Laa amu, danab ah ag da am nahip maɗi nid, da nahip haknunab nai dim lamitte, keeke imu oh hemi amu, ag amu anidna dooglagnu ele ippunadkkutnu, da oɗ medattem.

1 King 22:28

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

2 Stori 18:27

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

Job 35:15

na nug oo nauhak dootte, amge nug danab bu ii madatte attem, na danab ag hak nau hetteb, amge Nug nakok laa ii dabmette attem, amunu Nug laa dilag unuqittak hamu ii dabmette bia, Nug amu eɗittak Nug nahip iinab dabmema.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

Eklisiastis 3:19

Doɗ bia danab ah ag mauhtteb. Danab ah, doɗ ele oh am ib laippuib dim lamidtteb. Laa mauhtteb, amubia laa ele mauhtteb. Ag oh bau dayaknu ouɗi am laippu. Kobol amunu danab ag doɗ ii eɗadtteb. Diig amunu keeke oh am gaɗappa, unuqagppa ele anttak laippu iitta.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?

Jeremaia 5:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu, da ag bu iite madakkul?

Gayak Nai 4:22

O Juda danab ah, ahilag bu awak am iitta mekku; ag gemu wan laappa diia ukka laih me dayak danab ah daatteb, amge Yawe Nug ag anam daaglagnu haen eeɗeb, elab ii goma. Anam, amge o Edom danab ah, Nug ag ahilag hipuninnu bu madakku; Nug ahilag hak nau heeb, miag atikku.

Revelesen 11:5

Laala ag aa eheɗ haatkkulagnu heppeg amu, aab aɗu oɗelahppanu doa, ahilah kekeɗ amu ewatteb mauhkkulag. Ao, genab, danab nug eheɗ hatakkunu heeb amu, nug ib anamppa mauhkkuoitte.