Namba 16:22 - Nobonob Baibel

²² Yawe Nug anam aum, amge Moses, Aron ele aa laippun gatelah qaun o gomelya iɗulah wanppa meya, aa Kayak unuqidya apiɗ. “O Kayak, na danab ah oh dilag Kayak. Na danab laippuib hipunin heeb amu, danab ah oh imu dilagnu oo nauhak doon, eheɗ hadakkutte?” aoya apiɗ.

Namba 16:22 ပူးပေါင်းရင်းမြစ်များ

Genesis 18:32

A amu, Abraham nug aum. “O Naɗi, na da aiɗmananu oɗ medattem, amge da nai baula laippuib akkul. Aab amuppa genab tutukku hak danab 10ib daappeg amu, na heppe, aab nauhkkute?” awa oɗ mettom. Oɗ mette amu, Yawe Nug aum. “Iitta. Genab tutukku hak danab 10 daappeg amu, da ii heppi nauhma,” awa aum.

2 Samuel 24:1

Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

2 Samuel 24:17

Amu haen Dawit nug engel danab ah aqom antta amu, nug Yawe amegppa aum. “O Yawe, daib hipunin hein, eheɗ hemi. Imu ag am sipsip bia aakkuib. Ag aɗi eheɗ heppig? Iitta. Da eheɗ hemi. ⌊Da hipunin hemi amunu, na anam hekkutnu anidttem dayeb,⌋ na da, da baeladppa ele iqakkutnu ool hette,” awa aum.

Job 12:10

Doɗ oh ag Nug eppegppa daaegeg, Nug a, ag bau daatteb. Nug a, ag mauhtteb. Ao, danab ah oh ele, Nug ag ulah matte, ag bau daatteb. Nug ii madatte amu, ag mauhtteb.

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Aisaia 57:16

Amu da hanhan dahilad danab dilagnu nai ii hepa. Da ahilagnu hanhan oo nauhak ii doopa. Aɗinu? Da hanhan nai helom, da hanhan oo nauhak doolom amu, danab ah dahilad ag gai-iitta daalob. Ao, da hanhan nai helom, da hanhan oppoɗi bak doolom amu, danab ah dahilad ag mauhlob.

Jeremaia 32:27

“Da am Yawe. Da danab oh dilag Kayak daattem. Keeke laa haknu uug nau ele amu, uug amu nug da eɗile, da hekkulnu elele iitta daattemte? Iitta!” awa atte.

Jeremaia 38:16

Jeremaia nug anam aum, amge King Sedekaia nug eɗua, aɗi hekkunu nuhig nai ɠagattag qetta, Jeremaia amegppa aum. “Iitta! Yawe, Nug ig oh bau megatte amu, Nug genab bau daatte, genab amubia da iikku attem. Da na ii nidappi mauhmana. Laa ag nidappeg mauhkkutnu hetteb ele amu, da ag eppelagppa ele ii meidpa,” awa aum. Sedekaia nug nai amu Jeremaiaib dookkunu aum. Danab laa ii doyom.

Esekiel 18:4

Danab ohnab am dahiladib. Laa mameg am dahil, danab amu bekka am ele dahil. Aɗit oh am dahilib, amu auntai laa nug hipunin heeb, nug mauhkku, am laa iitta.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Sekaraia 12:1

Nai imuam Yawe, Nug Israel dilagppanu aum. Yawe, Nug hab abenppa ma, wannu ukku, wan ele ha, Nug danab ah ele bau madatte amu, Nug atte.

Namba 14:5

Ag anam aeg amu, Moses, Aron ele aa Yawe unuqidkkulahnu, Israel danab ah laa oh daappig noolagppa laippun gatelah qaun o gomelya iɗulah wanppa mepiɗ.

Namba 16:23

Aa anam aeh, Yawe Nug Moses amegppa aum.

Namba 16:4

Ag anam aeg, Moses nug doya, nug laippun gateg qaun o, gomela, iɗu wanppa ma, ⌊Kayak unuqittom⌋.

Namba 16:45

“Aa qe meya, danab ah imu uuadya waya, laih daapeɗ, da laippun heppi, danab ah imu mauhkkulag,” awa aum. Yawe Nug anam aum, amge Moses, Aron ele aa gatelah qaun o gomelya iɗulah wanppa mepiɗ.

Namba 27:16

“O Yawe, na aakkuib am Kayak danab oh bauklel madattem. Danab ah nahipad imu, ag sipsip laa ii gumadtte ele bia daamnanu, na danab laa nug ag dabmadakkunu epeɗikkutnu, da na oɗ medattem,” awa aum.

Rom 5:18

Amunu danab laippu nug ɗo laippu tippalom, amuppa danab oh ag hipuninnu nob nau aoglagnu daatteb, amubia danab laippu laa Nug kobol genab tutukku ele laippu he, amuppa Nug danab oh ag genab tutukku hak danab, bauklel ele daaglagnu ib ooɗom.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

Hibru 12:9

Amu ag imu ele antteg! Ig oh mamenkad wan imuppanu amu, ag ig ena bekkunignu toligna, bu iqaeg, ig ag hepppignu ahilagnu ena elele doomut. Anam amunu, ig Mamenig hab aabppa daatte ele amu, ig Nug waappanab daatu! Ig anam daatta, bauklel aognig.

Josua 22:18

Anam aakku, amu gemu ag baula eɗun, Yawe dim lamidmananu hetteb. Ag gemu Yawenu nai tabappeg nekku dayeb amu, geha butti amu, Nug ig Israel, Nug ihinig ohnu oo nauhkku.