Namba 16:2 - Nobonob Baibel

² Ag Moses abenabppanu lamidkkulagnu hena, nuhig nai tappaeg ne heegeg, Israel danab 250 laa, Israel ag, ag ikki danab daaglagnu otiadppig ele amu, ag ahan, danab waɗele amu dim lamadna ehanadppig.

Namba 16:2 ပူးပေါင်းရင်းမြစ်များ

Genesis 6:4

Haen amuppa, dimppa ele, danab beɗulkad okkai okkai ele, Nepil buɗub atteb, ag wanppa daappig. Aɗinu? Kayak bekkod ag wanppan ah diieg, ag ele oiyegeg, ah ag nid danab menuadppig ele, danab amu ag nai alagppanu danab onilkad okkai okkai ele.

1 Stori 12:30

Epraim buɗubppanu am 20,800. Ag oh am ban danab ag oolagppa ɠagattag doyak ele. Ag baelkadppa oolagppa danab onilag ele daappig.

1 Stori 5:24

Ahilkad danab okkai, ag baelkadppa dilag ikki daappig, amuam Eper, Isi, Eliel, Asriel, Jeremaia, Hodawia, am Jahdiel ele. Danab amu oh ag am ban hak danab, oolagppa ɠagattag doyak ele. Ag onilkad ele. Ag baelkadppa dilag ikki daappig.

Esekiel 16:14

Na am ah iɗun tuqak ele, amu da keeke ena amu oh nahipnu hei, nahip iɗu tuqak qa oppiaawaknab ba daye, diig amunu danab ah wan atu ohppanu ag nahipnu nai dooppig.” Naɗi Yawe Nug anam awa atte.

Esekiel 23:10

Da ag eppelagppa memi amunu, ag lamen nuhig huana pattiɗnana aoeg, nug beɗu miag dayeye, ag nuhig nid danab, nid ah nuhig ele diin gona, ag nug qep elabppa qeeg mauhom. Nuhigppa bu mettak anam be, ah laih laihnu ag nug am nau bekkunu at daatte dabmeppig.

Namba 1:16

Danab amu ag Israel oolagppa onilag ele tituanak daappig. Danab amu ag Israel dilag huu okkai anen anen, huu amu ag tatam beppig daatteb amu, ag amu dilag ikki danab daappig. Ag am Israel oolagppa aab ikki ahilkad anen anen dilag okkai daappig.

Namba 12:1

Miriam, Aron ele aa digmeya Mosesnu nai nau madipiɗ. Aɗinu? Moses nug ah laa Kus buɗubppanu, nug wau daakkunu awom.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 26:9

amu Eliap nug bekkod am Nemuel, Datan amu Abiram ele. Datan, Abiram ele, aa am danab ah dilag okkai danab aɗit laa, aa Moses, Aron ele dilah nai tappaeh neum. Amu hepiɗ ele am danab aɗit imu, laa iitta. Aa, am kuɗum laa ele, ag Kora dim lamitteg, ag Yawenu nai tappaeg neum.

Namba 27:3

“Ig mamenig am atu taɗakppa mauhom. Nug am Koranu huuppa ii dayom. Danab amu ag Yawe waappa daaglagnu uun, nuhig nai tappaeg neum. Nug am ahilag huuppan iitta. Iitta. Nug nuhig hipunin, diig amunu nug mauhom. Nug mauhom, amge nug bekkod iitta.