Namba 16:15 - Nobonob Baibel

¹⁵ Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Namba 16:15 ပူးပေါင်းရင်းမြစ်များ

2 Samuel 22:22

Aɗinu? Da Yawe oɗe dim lamidmi. Ao, da Kayak dahil dimettalom amu, da nau helom, amge da kobol eheɗ ii hemi.

Eksodas 32:19

Am Moses nug uɗia, haen tutu dayaknu aab kalak guguittatta, nug makau gaiɗ golppa hak amu antta, nug danab ah ahi goɗana daaegeg anatta, nug oo nauhak naunab doya, nug men maha aɗit eppegppanu buɗiate, wanppa nopiɗ. Amu nug qauko diigppa mawate goya, aoɗya nauhpiɗ.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Namba 16:16

Moses nug Yawe amegppa anam awowa, nug Kora amegppa aum. “Na amu, na laipad ele, ag oh butti Yawe noobppa wakkulag. Ag, amu Aron ele oh.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

1 Korint 9:15

Ɗo anam daatte, amge da ɗo amuppa da keeke laa ii aomi. Amu da nai imu yaattem amu, da amuppa keeke aokkulnu ii hettem. Iittanab! Keeke da ehaniɗkkunu, keeke amu da dakka eppelppa hein aottem, amuppa da maɗoɗppan gamag ahak doottem, amu danab laa nug heeb, gamag ahak amu iitta melo am ena iittanab iitta. Am naunab. Da mauhlom am nau anam iitta. Da dahil gamag ahak doottem imu, danab laa nug gamag ahak dahil imu diig, amu dahilppanu aɗila aokkunu am ena iittanab.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

2 Korint 7:2

Ag oolag amu ig mekkeg! Ig danab laa, nuhigppa eheɗ laa ii hemut. Ig heut, danab laa nug hipunin danab ii dayom. Ig danab laa buppuidtata, nuhig keeke laa ii aɗamut.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.