Namba 16:10 - Nobonob Baibel

¹⁰ Yawe Nug na, amu na laipad Lewi buɗubppan mana mettak danab iitta, ag diia he, Nug guguittak daatteb, amge gemu amu, ag mana mettak danab ele daaglagnu hetteb.

Namba 16:10 ပူးပေါင်းရင်းမြစ်များ

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Namba 18:1

Amu Yawe Nug Aron amegppa aum. “Na, na begapad, amu Lewi buɗub laa, ag na buɗun iitta, ag oh dahil mettid haknu peh lagppa uɗat hekkulag, amu appa kobol elele iitta laa beeb, ag oh kobol amunu nob nau aoglagnu daatteb. Amge na, amu na begapad ele, ag am mana mettak danab, amu ahilag uɗatppa kobol elele iitta laa bekku dayeb amu, agib kobol amunu nob nau aoglagnu daatteb.

Namba 18:7

Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.

Namba 3:10

Aron, nug bekkod ele amu, ag mana mettak danab daaglagnu otiatte! Ag aakkuib amu hekkulagnu daatteb. Danab laa nug amu heeb amu, ag qeppeg mauhkkuoitte,” awa aum.

Namba 3:6

“Na Israel dilag huu okkai Lewi, na ag diin, mana mettak danab Aron gumidna dona, ag aguppa maadppe daappeg, na ag nuhig ehanittak daaglagnu tituanadkkut.

Luk 22:24

Amu hewona, ippunittak awak danab ag ahilag dabmakppa, ag oolagppanu aun nug am okkai daattenu aɗaeg be, mattin aeg ona aeg do heegeg,

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

3 Jon 1:9

Da nai laa yen Kristen tamaniak mettami, amge Diotrepes, nug nukka keeke ohnu beɗu hume anuqtte, nug da oɗel dab-ii-medatte.

Ikki Danab 17:12

Nug anam daakkunu oo daye, Maika nug nuhignab mana mettak danab daakkunu uɗat mette, amu Lewi danab nug aakku Maika ele daapiɗ.