Namba 15:28 - Nobonob Baibel

²⁸ Mana mettak danab nug danab amunu eheɗ haknu nob nau doɗ tiigppa iitta meeb elele medakkunu Yawe noobppa, mana mettak anam aakkude haɗ! Am mana mettak danab nug eheɗ haknu nob nau doɗ tiigppa iitta meeb elele medakkunu doɗ anam mana, Yawe metteb amu, Yawe Nug danab amunu hipunin, nug doyaya ii heum ele amu, Nug hipunin amu uhuqa medakku.

Namba 15:28 ပူးပေါင်းရင်းမြစ်များ

Lewitikas 14:18

Am mana mettak danab nug goɗen laih daatte, nug danab o ah Kayak ele ouqeya daaglahnu bekkun daatte, nug nug igippa gokkaɗeb nokku. Mana mettak danab nug keeke amu oh hette amu, ib amuppa nug Yawe noobppa eheɗ haknu nob nau iitta mekkunu heeb elele medakku.

Lewitikas 4:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Laa nug ii doyaya ib apiɗitta, nug Yawe aɗi keeke ii haknunab aum amu haaha, hipunin hekku amu, nug inam iikku hekku.

Lewitikas 4:20

Nug ib etta hipunin haknu ofa, mana mettak ikki danab hipunin hewowa heum, amubia hekku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku. Kayak Nug hipunin uhuqa madakku.

Lewitikas 4:35

Aun laa nug beɗuppa aab ele nug ag Yawe ele oolag laippu dayaknu ofanu sipsip-ppa, mana mettak hetteb bianab, nug sipsip amu ittag oh aokkuoitte. Anam heeb, mana mettak danab nug ittag qaɗabppa, Yawe mettaknu aab aɗunu ofa daatte ele, nug amu qaɗeppa maneb eokku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Namba 15:29

Ɗo imu amu, Israel danab, amu wan laihnu danab ele, ag oh tonadtte. Aun nug Israel tedte, iitta nug wan laihnu danabte, keeke amu oh am hamu. Auntai laa nug ii doyaya, hipunin hette amu, ɗo laippu amuib ag oh tonadtte.