Namba 14:33 - Nobonob Baibel

³³ Ag da, Yawe, ag da ippunadmi bia da dim lamiɗkkulagnu uun heppig amunu, diig amunu ag bekkalkad geha atu taɗakppa mauhnoak maɗ 40 oiglag. Ag geha anam oippeg ukkeb, ag laa oh mauhadkkulag.

Namba 14:33 ပူးပေါင်းရင်းမြစ်များ

Sam 107:4

Danab ah laala ag atu taɗak nau, ag appa yawaina oinna, ag aab okkai laa amuppa daaglagnu laa ii anidppig.

Sam 107:40

Amu laa Nug king tiigppan danab ag dada danab daatteb dayeb, Nug he, ag uɗa nak naunab aotteb. Amuam Yawe Nug he, laa ag Nug dim lamittak uuppig ele ag gona, atu taɗak nauppa mauhnoak oippig.

Sam 78:33

Ag oolagppa genab dooglagnu uuppig amunu, Nug he, ag keeke ena ena ag aon, ahilag daakkunu Nug maittak awom amu, ag amu ii aon mauhppig. Ao, Kayak Nug he, ag huana hahaɗnana, eheɗ nau baɗana, ag mauhppig.

Eksodas 20:5

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Esekiel 23:35

Anam amunu, Naɗi Yawe Nug inam atte. “Na dahilnu daut atie, da dimeɗan autnanab aonna, na gappai heeb baknu kobol henan, ib baag ah kobol ele heme amunu, na amunu bu aokkutoitte.” Yawe Nug anam atte.

Hosea 9:1

O Israel danab ah, ag aib gamag ahak dooppig. Ao, ag laa gamag ahak okkainab dootteb amu, ag gamag ahak amubia aib dooppig. Aɗinu? Ag ahilag Kayak ag ippuanattom bia Nug dim lamidkkulagnu uun hena, ag kayak hambuppuak dim lamidtteb; ag ib baag ah nug ee aeg mumuɗaknu abenppa uɗat nuhig haaha, men doɗo awa, gamag ahak dootte, amubia ag kayak hambuppuak dim lamidkkulagnu gamag ahak doon, kobol amunu ag oo mauhak dootteb.

Namba 32:13

Yawe Nug Israel dilagnu oo huana nauhe, Nug he, ag atu taɗakppa maɗ 40 oh yawaina oippig. Ag anam oinna, Yawe he, laa kobol eheɗ heppig ele, ag mauhadna iitta meppig.

Namba 33:38

Yawe Nug mana mettak danab Aron, nug qauko Hor tekkununab a, teum. Nug qauko amuppa mauhom. Deɗ nug mauhom, amuam Israel ag Isipnu ahan oiyegeg, maɗ 40 uue, maɗ amuppa kalam ebqak tanig ele, kalam amunu deɗ digmakppa mauhom.

Namba 5:31

Amu danab nug wau danab laa ele oipiɗ, nug anam dabmaama, nug mana mettak danab kobol anam haknu mana mettak danab amegppa anana amu, nug eheɗ laa ii hema. Wau nug eheɗ laa ii heum dayeb, gamu nug mana mettak danab kobol anam haknu amegppa anana amu, nug eheɗ laa ii hema; bu laa ii aoma. Amge ah nug gamu eleib ii niipiɗ, nug danab laa ele niipiɗ dayeb amu, nug eheɗ aakku ha, nug amunu bu aokku,” awa aum.

Aposel 7:36

Amu Moses nug danab amu ag Isip wanppanu gokkunu omalattatta, nug Kayak dabmettaknu kobol danab haknu elele iitta digdig heum. Nug omalatta ugakka, nug Isip wanppa, Le Kokoɗppa amu atu taɗakppa ele, appa maɗ 40 batak anamib heum.

Duteronomi 1:3

Israel ag qauko Sinainu ahan, maɗ 40 uue, kalam 11ppa, deɗ digmakppa ag Jodan le laih kaɗag uɗitteppanu daaegeg, Moses nug digma, keeke imu oh ag amelagppa mattie dooppig. Keeke oh Yawe nug amelagppa akkununab amegppa aum amu, nug ag amelagppa mattiom.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 29:5

Amu Yawe Nug atte. “Maɗ 40 oh da, Yawe, da ag omalatti, atu taɗakppa oimut. Ag oiyegeg, ag ahilkad lamen, baelkad gaɗa ele ii nauhppig.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Duteronomi 8:4

Am maɗ 40 amu ohppa, lamen ahilkad alag ma ii pattiɗattom, ag baelkad ele ii titiɗom.

Josua 14:10

Gemu, na anidttem, Yawe Nug da ehaniɗe, da bau daattem; Nug hekkununab nai ana qakkom bia. Amu Nug nai amu Moses amegppa a nug da amelppa ana qakke uɗie, gemu maɗ 45 iikku awom. Haen amuppa ig Israel danab, ig atu taɗakppa oiyak uɗat hemut. Gemu am da dahil maɗ 85 ele daattem.