Namba 14:31 - Nobonob Baibel

³¹ Ag laa amu, ag wan amuppan danab ag ahilkad ah, nid ele diippeg, ag ag eppelagppa daaglanu appig amu, nid ahilkad amu da omaladppi, ag wan amuppa ena daan, ena dooglagnu gona daaglag. Ag gemu okkai daatteb amu, ag wan amu uuppig.

Namba 14:31 ပူးပေါင်းရင်းမြစ်များ

Genesis 25:34

Anam he amu, Jakop nug Esau bret, amu bin diig laa onig lentil, amunu lewa ele mettom. Mette, Esau nug lawowa, aha ukkom. Nug nuhig nid danab tatamnu itittak ena anuqak am keeke anuqak dab-ii-mettom.

Nehemaia 9:24

Ag bekkalkad amu, ag wan amuppa wana, appan danab eɗadna, wan amu aoppig. Na ehanatte, ag Kanan danab wan amuppa daappig eɗatteg, danab amu ag, ag eppelagppa daappig. Na ehanatte, Kanan danab ah amu, ahilkad king ele ag Israel, ag ahilagnu attem hekkulagnu dabmeppig ele, ag ag eppelagppa aakku daappig.

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Prowerb 1:25

Amu genab, ag dahil ulum nai ena, ag amu oh dooglagnu uuppig. Ao, ag daug batak nai da hemi amu, ag amu uuppig.

Prowerb 1:30

Ag dahil ulum nai ena doon, dim lamidkkulagnu uuppig. Ge, ag daug batak nai dahilnu am keeke hamu bia dooppig.

Esekiel 20:18

Da amu hein, da danab amu bekkalkad aɗelkad ele atu taɗakppa amelagppa ami. “Ag mamelkad aɗi ag ɗo nau iɗu iɗu dim lamidnana, ag kayak hambuppuak dottolkad binalkad maadna heeg, dahil neekkakppa ag oolag dubuttid ele daappig, amge ag amubia aib heppig.

Namba 14:3

Yawe Nug aɗinu omaikkeb, wan amuppa gokkunignu hette? Danab ag appa daatteb, ag am ihinig kekeɗ, ig ag ele ban heta amu, ag ig iqaglag. Ag iqappeg mauhpput amu, ag ihinkad ah, nid naunau ele aɗualadppeg, ag eppelagppa daaglag. Ig wan amuppa gokkunig am ena iitta. Ig eɗut Isip gokkunig amu ena,” aon appig.

Namba 26:64

Moses, amu mana mettak danab Aron ele, aa Israel danab ah ebaqak, Sinai atu taɗakppa appa hepiɗ, amge danab ah amu oh ag mauhadppig. Laippu laa bau ii dayom.

Matyu 22:5

King nug anam a, maɗi nid ag gona appig, amge hobulppa ukkaknu danab ag uuppig. Laa nug nuhig dad okkai uɗatppa ukkom, laa amu nuhig men doɗo uɗatppa ukkom.

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

Duteronomi 1:39

Nug wan amuppa nokku, aria ag ahilkad nidnu, ‘Wan amuppan danab ag ihinkad nid, nid amu ag am danabnab, ahnab ele ii beppig, ag aɗi hak am ena, aɗi hak am nau, ag amu tutukku ii dootteb ele amu, ag ag aɗualadppeg, ag eppelagppa daaglag,’ appig amu, nid amu ag ele nokkulag. Da wan amu nid amu madakkul. Ag geha wan amu aona, amuppa daaglag.