Namba 14:30 - Nobonob Baibel

³⁰ Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Namba 14:30 ပူးပေါင်းရင်းမြစ်များ

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

Eksodas 6:8

Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Esekiel 20:15

Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.

Esekiel 20:38

Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.

Namba 13:6

Israel dilag huu okkai Judanu am, Jepune bekka Kalep.

Namba 14:24

Amge dahil maɗi nid Kalep, nug am diig laa; nug oo unuqag eleppa genab da dim lamiɗtte amunu, da geha nug omale, wan nug ukkom eleppa gokkul. Amu nug buɗub ag geha wan amu aon daaglag.

Namba 14:38

Danab 12 ag wan amu italkkulagnu goppig, amge Nan bekka Josua, amu Jepune bekka Kalep ele aakkuib amu bau daapiɗ.

Namba 26:65

Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.

Revelesen 10:6

nug laa bauklel hanhan daatte, Nug hab heum amu habnu keeke oh ele hattom, Nug wan heum amu wanppanu keeke oh ele hattom, Nug yu heum amu yuppanu keeke oh hattom niitteb ele amu, Nug onigppa nuhig nai ɠagattag qetta aum. “Haen baula ii tuɗidma.