Namba 14:24 - Nobonob Baibel

²⁴ Amge dahil maɗi nid Kalep, nug am diig laa; nug oo unuqag eleppa genab da dim lamiɗtte amunu, da geha nug omale, wan nug ukkom eleppa gokkul. Amu nug buɗub ag geha wan amu aon daaglag.

Namba 14:24 ပူးပေါင်းရင်းမြစ်များ

1 Stori 29:18

O Yawe, ig mamenkad aɗi, Abraham, Aisak, Israel ele dilag Kayak, na heppe, nahipad danab ah ag hanhan, alet ele oolag enappa, oo qak iitta eleppa keeke na mettaglagnu, na heppe, ag nahipib dabmena oo metta ii uuak kobol dim lamidkkulagnu dabmak aɗan oiglagnu oɗ medattem.

1 Stori 29:9

Okkai danab ag oo qak iitta ele, ag meulag ohppa ele Yawe keeke amu medappig amunu, danab ah ag ahilkad okkai ag oo qak iitta ele keeke Yawe medappig anidna, ag oolag gamag ahom. King Dawit nug ele oo gamag huanak ahom.

2 Stori 25:2

Amasaia nug Yawenu neekkakppa kobol genab tutukku ele dim lamittom, amge nug meu ohppa ii heum.

Sam 119:145

O Yawe, da meul ohppa na unuqidttem. Da nahip ɗo dim lamidkkulnu amu, na da oɗelppa aokkutnu oɗ medattem.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Namba 13:30

⌊Danab ah ag lokkumakppa atu italak danab ag mattieg doona, ag huana baɗappig,⌋ amge Kalep nug Moses noobppa, danab ah toettan daaglagnu anana, nug aum. “Yawe Nug ehanigkku amunu, ig hekkunignu elelenab. Anam amunu, ig gota, wan amu, ig aguppa daagnignu aotu!” awa aum.

Namba 14:30

Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Namba 26:65

Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Epesus 6:6

Ag ahilkad okkai amelagppaib, ag oolag ittag aqakkunuib aib heppig. Iitta. Kristusnu begbeg maɗi nid, nug oo oh Kristus metta Kayak oɗe dim lamidtte amubia heig!

Duteronomi 1:36

Jepune bekka Kalep nug aakkuib wan amuppa nokku. Nug wan amuppa nokkunu diig am, nug da, Yawe, nug da tutukkunab dim lamiɗom. Da geha nug, am nug buɗuppan ele, wan haen nug lokkumakppa itala oiyom ele, da wan amu laa ag madakkul,” awa aum.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Kolosi 3:23

Keeke oh ag hetteb amu, ag hekkulagnu ag oolag mettan heig! Amu ag, “Ig danabnu uɗat hettem,” doonna aib heppig. Iitta. Ag, “Ig Naɗinu uɗat hettem,” doonna heig!