Namba 14:2 - Nobonob Baibel

² Israel danab ah ag Moses, Aron ele dilah naittuɗ menana, ahilahnu appig. “Ig Isip uppa, o iitta, atu taɗakppa ippa mauhlom am ena.

Namba 14:2 ပူးပေါင်းရင်းမြစ်များ

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

Job 3:11

O gadon, anai menuiɗom, da paha haen amuppanab mauhlom am ena. Ge, anai da menuiɗebeb mauhlom am ena.

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Sam 106:25

Ag wan amuppa nokkulagnu elele, amge ag peh ahilkadppa daan, naittuɗ meppig. Ag pehppa daanna, naittuɗ menana, Yawe oɗe doon hekkulagnu uuppig.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Eksodas 14:11

Ag enana amu, ag Moses amegppa inam appig. “Aɗinu na ig hamu omaigna uɗie, ig atu taɗakppa inam daattem? Boumak aben Isip wanppa elele iite daatte amunu, ig aben imuppa mauhkkunignu omaigna uɗimete? Ig Isip daatta mauhlom am ena.

Eksodas 15:24

Ag le amu lakkulagnu elele iitta amunu, danab ah ag Mosesnu naittuɗ menan, nug oɗ medappig. “Ig le baanig diitte. Ig aɗi lakkunig?” aon appig.

Eksodas 17:3

Amge danab ah ag le baalag diie, ag tuɗidna, Mosesnu naittuɗ mena, mattina, ag inam appig. “Aɗinu na ig, nid naunau ihinkad, amu ihinkad doɗ ele ig oh geha le baanig diieb mauhkkunignu Isipnu aigna, omaigna uɗime?” aon appig.

Jona 4:8

Dimppa aam be, Kayak he, ulah gakkaɗak ele, kaɗag uɗitteppanu amu, ulah amu uɗie, aam Jona ikki qe, ameg qittine, Yawe heeb, nug mauhkkunu unuqitta, “Da mauhkkul am ena. Ge, da ii mauhkkul amu eheɗ,” awa aum.

Namba 11:1

Amu Israel ag uug laala ag oolagppa beppig amu, ag amunu naittuɗ meppig. Ag naittuɗ meeg, Yawe Nug doya, Nug oo nauhe, Nug he, aab ewewe, peh lag laala, keeke ele haen tutu dayaknu aab kalak daugppa daappig am nauhppig.

Namba 11:15

Na tuɗidna, da uug naunab amubia maokkulnu akkutnu dabmettem dayeb amu, da hekkulnu elele iitta amunu, na dahilnu ena doottem dayeb, na iuppe mauhkkulnu oɗ medattem. Na dahilnu oot dootte dayeb amu, na heppe, da uug naunab waappa nauhak ii aopanu oɗ medattem,” awa aum.

Namba 11:5

Isip uppa amu, ig kakai laut ukke, oonig aɗom. Ig daden meta ii lamut. Iitta! Hamu aot lamut. Ig amu latata, ig gudken, melen, anian digdig ele lamut.

Namba 14:1

Lokkumakppa atu italak danab ag oippignu mattieg, Israel danab ah ag doon, ag tuqan amuppa qalananab gaappig.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 16:13

Na ig atu taɗak imuppa mauhkkunignu he, ig wan enanag, wan ittag ele, amuppa ee meu huana otte ele amu, ig wan amu uut uɗimut. Amuppa na kobol eheɗ elele iite heme? Na amu heme, gemu amu, na ig ihinig okkai daan, ig aɗi aɗi hekkunignu duttunigkkutnu ele hettem. Amuam eheɗ.

Namba 16:41

Aria, wagɗe deɗ amuppa, Israel danab ah ag baula Moses, Aron ele dilahppa naittuɗ mena appig. “Aa Yawenu danab laala aqapiɗ,” aon appig.

Namba 17:6

Amunu Moses nug Israel danab amelagppa a, Israel dilag huu okkai, huu amu ag tatam beppig daatteb amu, huu 12 amu anen anen ohppanu ikki danab ag dudqak hokkat ahilag nug medappig. Aron nug ele huu ebqak 12 amu oolagppa dayom.

Namba 20:2

Ag haen tutu dayaknu aab kalan daappigppa amu, appa le lanaknu laa ii dayeye amunu, danab ah ag qagmena daanna, ag Moses, Aron ele amelahppa naittuɗ meppig.

Namba 20:3

Ag Moses ele aeg ona aeg do, ag appig. “Ig Yawe noobppa, ig lainkad laala ele oh mauhlom amu ena!

Namba 20:4

Aɗinu na ig Yawenu danab ah, na ig atu taɗak imuppa aikke neut, ig, amu ihinkad doɗ ele ippa mauhkkunignu hettem.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

1 Korint 10:10

Amu ag Kayaknu naittuɗ, Israel oolagppa danab ah laala heppig bia aib heppig. Ag Kayaknu naittuɗ nai mattieg amu aqakkunu engel nug aqe mauhppig.

Duteronomi 1:27

Ag peh ahilkadppa daan, naittuɗ mena appig. “Yawe Nug ihinignu nau ninig ele dootte amunu, Amo danab ag ig iqaglagnu, Nug ig Isipnu awikka, omaikka ippa uɗiom.

Duteronomi 9:23

Kades Barnea appa amu, Yawe Nug ag nai haknunab anak imu matta aum. “Ag gona, wan da ag madattem amu aweg!” awa aum. Nug anam aum, amge ag Yawe, ahilag Kayak, nuhig nai haknunab aum, oɗe amu tappaeg ne, ag nuhignu oolagppa genab dooglagnu uun, ag Nug oɗe dim ii lamidppig.

Hibru 3:16

Anukka aun aɗi ag Kayak oɗe doona, hibguitta hena, nai nuhig tappaeg neum? Amuam danab oh Moses nug omalatte, Isip uun, ahan goppig ele. Ag kobol amu heppig.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.