Namba 14:13 - Nobonob Baibel

¹³ Yawe Nug anam Moses amegppa a, Moses nug aum. “Na nahip ɠagattagppa hee, nahipad danab ah imu ag Isip uun uɗippig amunu, na danab ah imu uug nau anam madappe, Isip ag geha amunu dooglag!

Namba 14:13 ပူးပေါင်းရင်းမြစ်များ

Sam 106:23

Ag Kayak, nuhig hak amu ele daulag atiom amunu, Nug ag hatteb nauhkkulagnu aum. Nug anam aum, amge Yawenu oppoɗi bak aha heeb, danab ag nauhmananu, Moses, Yawe tituanom amu, nug Yawe, danab ah ele gamalagppa hibaitta dayom. Nug anam dayeye, Yawe Nug ag ii hatte nauhppig.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Esekiel 20:14

Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu da amu ii hemi.

Esekiel 20:9

Da amu dabmein ami, amge da ii hemi. Da anukka Israel ag laa oolagppa daan oiyegeg, da ag amelagppa da ehanadppi, ag Isip wan uuglagnu ai, ag, am danab ag oolagppa daan oippig ele dooppig. Ag dooppig amu da dabmemi helom am, danab ah laa amu ag da onilnu am keeke hamu bia doolob amunu, da, da onilnu dabmak anuqak doyen, da nob amu ii mattami.

Duteronomi 32:27

Amge da anam heppi, ahilkad kekeɗ ag da kalemlem iuglag amu da doomi. Ao, da amu heppi amu, ahilkad kekeɗ ag inam akkulag. ‘Ig ag eɗadmut. Yawe Nug ii heum!’ ” Yawe Nug anam aum.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.