Namba 14:12 - Nobonob Baibel

¹² Da geha heppi, oɗe nau danab kuɗum aqe mauhtteb ahilagppa beeb, ag ohnab mauhkkulag, amge da heppi, na buɗunad ag huu ebqak okkainab, daatteb imu eɗittak, ahilag ɠagattag ele am daatteb imu eɗittak, ag am ɠagattagnab daaglag,” awa aum.

Namba 14:12 ပူးပေါင်းရင်းမြစ်များ

2 Samuel 24:1

Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

Eksodas 32:10

Ag anam daatteb, da ool amunu huan nauhtte amunu, dahil oo nauhak okkainab mekkunu, amuppa da heppi, ag padal mekkulagnu na uuiɗna ukke! Da heppi, ag padal meppeg amu, geha da eɗuen heppi, na buɗunad ag appatna, huu okkainab, ɠagattag ele daaglag,” awa aum.

Eksodas 5:3

Nug anam a amu aa apiɗ. “Kayak, Nug ig Hibru danab, ihinig Kayak amu, Nug ihinihppa na, Nug ig inam hekkunignu aum. Ig atu taɗak ooppa gokkunignu amu, ig deɗ ewam oit oit gokkunig. Ig gota, aben ig tekkunig ele, ig appa doɗ mait, Yawe mettagnig. Nug am ihinig Kayak. Na ig uuigppe gokkunignu atte. Ig gota, nuhignu anam ii hekkunig dayeb amu, Nug heeb, ig oɗe nau danab kuɗum aqe mauhtteb digdig aognigtai, o banppa eheɗ nauhkkunigtai,” aoya apiɗ.

Esekiel 20:13

Da amu oh hemi, amge Israel danab ah ag atu taɗakppa dahil nai tappaeg neum. Ag dahil ɗo iɗu iɗu uuna, ii dim lamidppig. Ɗo amunu amu, danab nug amu dim lamidtte ele, nug bau daakku, nug padal ii mema. Amge ag dahil nai, dahil ɗo amu ele ii dim lamidnana, ag ɗo da ag Sabat deɗppa dim lamidkkulagnu ami amu, ag amunu hamu bia doon, iinab dim lamitteg, dahil neekkakppa deɗ amu ena ii dayom. Ag amu heppig amunu, da atu taɗakppa eheɗ nau hadappi, padal mekkulagnu dabmein ami.

Lewitikas 26:25

Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.

Namba 25:9

Oɗe nau danab kuɗum aqe mauhtteb ele baula danab ah ii aqom, amge ebqak gane ag oɗe nau amu aqe mauhppig ele amu, danab ah amuam 24,000.

Duteronomi 28:21

Yawe Nug oɗe nau digdig ahilagppa heeb beeb, laippu laa nug wan ag gemu nona aon daaglagnu daatteb, laippu laa amuppa bau ii daama.