Namba 13:32 - Nobonob Baibel

³² Ag anam appig amunu, laa ag gona, wan atu anidppig ele amu, ag heeg, Israel danab ah wan amunu nai hambuppuak, ag nai amu genab dooppig. Amu lokkumakppa atu italak danab, Josua, Kalep ele, aa am iitta, danab amu laa, ag appig. “Wan ig anidmut ele, wan amuam doɗ laa nug aha, doɗ laa qa latte, amubia, wan amu danab ah ag appa daaglagnu gotteb ele he nauhtteb. Amu ele, appan danab ah oh ig anadmut ele, ag am danab okkai okkai, elabnab.

Namba 13:32 ပူးပေါင်းရင်းမြစ်များ

2 Samuel 21:20

Amu haen laappa, Israel, Pilistia ele ag Gat appa ban henana, Pilistia dilag daup laa nug danab beɗu okkai, okkainab ele dayom. Nug eppekuɗ anen anenppa doɗo eblaih laippu ele, am baekuɗ anen anenppa ele doɗo eblaih laippu ele. Eppekuɗ doɗo oh, baekuɗ doɗo oh ele am 24. Nug ele am Rapa buɗub laa.

1 Stori 20:6

Amu haen laappa, Israel, Pilistia ele ag Gat appa ban henana, Pilistia dilag daup laa nug danab beɗu okkai okkainab ele dayom. Nug eppekuɗ anen anenppa doɗo eblaih laippu ele, am baekuɗ anen anenppa ele doɗo eblaih laippu ele. Eppekuɗ doɗo oh, baekuɗ doɗo oh ele am 24. Nug ele am Rapa buɗub laa.

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Esekiel 36:12

O Israel dilag qauko, da heppi, dahilad danab ah, Israel, ag ag qaɗelagppa oiglag. Ag hanhan ahilagib daanna, ag ag aulag daaglag. Ag qauko ag baula heppeg, Israel dilag nid naunau iitta ii memana,” awa atte.

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Namba 13:28

Amge danab ah ag appa daatteb, ag am ɠagattag ele. Ahilkad aab okkai am okkai okkai aɗ ele daatteb. Am keeke uug laa ele am, danab beɗu okkai onig Anak, nug buɗub am appa daaegeg ele anadmut

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.